Genesis 10:8 - সান্তালী বাইবেল

⁸ Kusren do mitʼṭecʼ hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.

Genesis 10:8 Referans Kwoze

Mikạ 5:6

Onko do lạṛhại talate Ạsurrenkoakʼ disạm metakʼme, Nimrod disạmko calao. Ar Ạsurrenko do aboakʼ disạmko akromonle khan ar aboakʼ simạko lebetʼle khan unre onkoakʼ ti khon aboren disạm cakʼlaoicʼgeye rukhiyạbona.

Genesis 10:7

Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

Genesis 10:9

Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

Jesaea 18:2

Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.

Genesis 2:13

Dosar gaḍa reakʼ ńutum do Sihon. Noa gaḍa do kus disạm beṛhaete ạtu calao akana.

1 Bõsbudạ 1:10

Kusren do mitʼṭen hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.