Genesis 10:6 - সান্তালী বাইবেল

⁶ Hamren hoponko doko hoyokʼ kana, Kus, Misrạyim, Put ar Kanan.

Genesis 10:6 Referans Kwoze

Jeheskel 27:10

“ ‘Paras, Lud ar Put disạmren hoṛko hõ amren lạṛhại phạdko sãote tahẽkateko lạṛhạikan tahẽkana. Onko do akoakʼ ḍhal ar bohokʼ rurukhiyạ reakʼ ṭupri amre ṭaṅgaokate amakʼ ṭhonoktetʼko maraṅetʼ tahẽkana.

Jirimiạ 46:9

E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jesaea 11:11

Enhilokʼ Probhu Isor do acʼren sarecʼ jiwetʼ hoṛko Ạsur khon, Misor khon, Pathros khon, Kus khon, Elam khon, Babel khon, Hamath ar jalapuri ḍhip reakʼ disạm khon bańcaoko lạgitʼ dosar dhao tiye tiyạrtaea.

Sereńko 106:22

Ham bõsrenkoakʼ disạmre hahaṛa kạmi reakʼ katha onko doko hiṛińkeda, ar arakʼ doreãore hoylen botoranakʼ kạmi hõko hiṛińkeda.

Sereńko 105:27

Onkin hotete Probhu Isor do Ham bõsrenkoakʼ disạmre sanamko samaṅre ạḍi lekan cinhạ ar hahaṛa kạmikoe kạmikeda.

Sereńko 105:23

Ona tayom Israel do Misorteye calaoena; ar Ham bõsrenkoakʼ disạmre Jakob do thoṛa dine tahẽyena.

Sereńko 78:51

Uni do Misor disạmren mitʼke mitʼ pạhil koṛa hoponkoe gocʼketʼkoa, uni do Ham bõsrenko reakʼ tạmburen ar daṛe juạnko hõe gocʼketʼkoa.

Genesis 9:22

Kananren apat Ham do acʼ baba nonkae ńelkede khan uni do bahrete senkate acʼren banar boehae lạiyatʼkinạ.

Genesis 9:18

Unre Noharen hopon Shem, Ham ar Japhet do jahaj khonko oḍok hecʼakan tahẽkana. Ar Hamren do Kanan ńutuman mitʼṭen hopone hoyena.

Genesis 10:5

Noko khonge sesre ạḍi utạr pạrsi, gharońj ar jạt lekate doreão aṛe reakʼ eṭakʼ eṭakʼ disạmreko pasnao idiyena.

Jeheskel 38:5

Onko sãote Pharas, Kus ar Puṭ disạmren lạṛhại phạdko tahena; onko sanamkoge ḍhal ar bohokʼ rurukhiyạ ṭupri horokʼ akaeko tahena.

Genesis 2:13

Dosar gaḍa reakʼ ńutum do Sihon. Noa gaḍa do kus disạm beṛhaete ạtu calao akana.

Genesis 5:32

Nohawakʼ umer mõṛẽsae bochor paromen khan uniren hopon Sem, Ham ar Japhet tekoko janamena.