Genesis 1:14 - সান্তালী বাইবেল

¹⁴ Ona tayom Isore menkeda, “Sermare marsalakʼko hoyokʼma, ar onako do ńindạ khon sińe begarma. Onako do eṭakʼ eṭakʼ dinko, candoko ar bochorko reakʼ cinhạko tahenma.

Genesis 1:14 Referans Kwoze

Dosar Biboron 4:19

Serma secʼ beṅgetʼkate siń-cando, ńindạ-cando ar ipilko, metakʼme coṭ sermare menakʼakʼ jiniskote apeakʼ mẽtʼ do alo baṛe bulạukʼtapema ar dhạrtiren sanam jạtrenko cetanre emakʼ aperen Probhu Isorakʼ noa jinisko reakʼ alope sewawakʼa.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Sereńko 148:3

E siń cando ar ńindạ cando, uni sarhaoepe; E jhak jhakaokʼkan ipilko, uni sarhaoepe.

Sereńko 148:6

Onko do jaejug lạgitʼ niṭ akatʼ jaegareko ṭarhao akana; uni do mitʼṭecʼe niạm akada, ona do okoe hõ bako rạputʼ daṛeakʼa.

Amos 5:8

Okoe do soren-ipilko ar arãṛ lalakʼ ipilkoe benao akatʼko, ar okoe do ńute marsal ocoyetʼkan ar siń doe ńut ocoyetʼkan, okoe do jalapuri reakʼ dakʼe hoho ạguiyetʼte pirthimi cetanreye dul bubhạuetʼ, uniyakʼ ńutum do Probhu Isor kangea.

Joel 3:15

Siń cando ar ńindạ cando dokin ńutokʼa ar ipilko do marsal bako emokʼa.

Jirimiạ 10:2

Probhu Isore meneda, “Boṅgan hoṛ jạtrenkoakʼ cạl-colon do alope cetʼjoṅa, ar serma reakʼ cinhạko ńelte alope torasokʼa, ente eṭakʼ jạtrenko do ona ńelteko torasokʼ kana.

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Genesis 8:22

Tinạkʼ din noa dhạrti tahen unạkʼ din niạm lekate itạ do er ar irokʼa, rabaṅ din ar lolo din, siń ar ńindạ hoyokʼtege tahena.”

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Mathae 24:29

“Onako din reakʼ santao tayomge siń cando doe ńutokʼa, ar ńindạ cando do bae terdeja, ipilko hõ coṭ khonko ńurokʼa ar siń cando, ńindạ cando, ar ipilko do bako ṭarhao tahena.

Amos 8:9

Probhu Isore menetʼkana, “Enhilokʼ tikin jokhecʼ siń cando doń hạsur ocoyea ar siń marsalrege dhạrti doń ńut ocoya.

Joel 2:10

Onko samaṅre dhạrti do dal dalaokʼa, serma hõ thạl thạlokʼa, siń cando ar ńindạ cando dokin ńutokʼa ar ipilko hõ bako terdeja.

Jirimiạ 33:20

“Iń Probhu Isorgeń meneda, siń ar ńindạ lạgitʼ iń bandhao akatʼ ińakʼ bondobospe rạputʼ daṛeakʼ khan, onate okte nạpitre siń ar ńindạ baṅ hoyokʼ,

Johan sodor 6:12

Ona tayom iń ńelkeda, uni do turuiyakʼ mohor chape raṛaketʼ khan ạḍi ãṭ dhạrti laṛaoena. Siń cando do ekalteye hende cabayena ar ńindạ cando do mãyãm lekae arakʼena.

Mathae 2:2

“Jihudikoren janam akan raj do okare menaea? Ale do uniren ipil purubrele ńelakadea ar uni sewawae lạgitʼle hecʼakana.”

Jeheskel 46:1

“ ‘Iń Probhu Isorgeń menetʼkana, bhitri raca reakʼ purub duạr do kạmi reakʼ turui dinge siń tahena, menkhan jirạukʼmãhãre ar molokʼ candore ona do jhijokʼa.

Jirimiạ 33:25

Menkhan iń Probhu Isorgeń meneda, siń ar ńindạ lạgitʼ ińakʼ bondobos ar serma ar pirthimi lạgitʼ ạriko bạń bandhao akatʼ khan,

Jobakʼ 25:5

Isorakʼ mẽtʼre ńindạ cando ḍig ḍig bae jolokʼ khan ar ipilko hõ uni samaṅre bako sapha khan,

Johan sodor 8:12

Inạ tayom ponicʼ serma goḍet hõ acʼakʼ siṅgại oroṅkeda. Onate siń cando reakʼ pe hạṭiń reakʼ mitʼ hạṭiń, ńindạ cando reakʼ pe hạṭiń reakʼ mitʼ hạṭiń ar ipilko reakʼ pe hạṭiń reakʼ mitʼ hạṭiń doko ńutena. Ar din reakʼ pe hạṭiń reakʼ mitʼ hạṭiń ar ńindạ reakʼ pe hạṭiń reakʼ mitʼ hạṭiń do jãhãn marsalge baṅ tahẽlena.

Mark 13:24

“Ona okte reakʼ santao tayomge siń cando doe ńutokʼa, ar ńindạ cando do bae terdeja,

Jeheskel 46:6

Molokʼ cando hilokʼ uni do mitʼṭen ḍaṅgra ar turui goṭen bheḍa hopon ar mitʼṭen bheḍa samaṅko hoyokʼtaea; onko do niphuṭ utạrko hoyokʼ jạruṛa.

Sereńko 119:91

Amakʼ ạn ạriko leka teheńhõ jotowakʼ do ṭarhao menakʼa, ente onako do amakʼ gobolrege menakʼa.

Jobakʼ 25:3

Uniren lạṛhại phạd do cetʼko lekha daṛekokʼa? Uniyakʼ marsal do okoe cetanre baṅ rakapʼ akana?

Jobakʼ 3:9

Ona dinren aṅga marsalokʼren ipilkoko ńutokʼma; uni do marsal lạgitʼ ạuṛiyakʼgeye duṛupʼ tahenma; jemon aṅga marsal alo baṛeye ńelńam,

Johan sodor 9:2

Khan uni ipil do ona athan kunḍe jhicʼkeda; ar maraṅ okocʼ culhạ khon dhũạ oḍokokʼ leka, ona kunḍ khon dhũạ oḍokokʼ ehopʼena. Ona kunḍ reakʼ dhũạte siń cando ar serma do ńutena,

Genesis 1:13

Nonkage ạyupʼena ar setakʼena, ar ona do tesarakʼ din hoyena.

Genesis 1:15

Ar onako do serma khon dhạrtite marsalokʼma.” Ar onkage hoyena.

Sereńko 150:1

Probhu Isorakʼge sarhao hoyokʼtae ma. Ape do Isorakʼ sonot ṭhạ̃ire uni sarhaoepe, ar uniyakʼ daṛete benaoakʼ serma hõ uniyakʼe sarhaotae ma.