Galathiko lạgitʼ Pạul Apostolakʼ ciṭhi 6:16 - সান্তালী বাইবেল

¹⁶ Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Santali Common Language New Testament

¹⁶ Okoe hoṛ noa ạn lekateko calakʼkan onkore, metakʼme Isorren sạri Israelko uni do suluk ar mãyãe dan akoma.

Galathiko lạgitʼ Pạul Apostolakʼ ciṭhi 6:16 Referans Kwoze

Galathiko lạgitʼ Pạul Apostolakʼ ciṭhi 3:29

Mạsirenpe hoyakante Abraham bõsren hoponko hõpe hoyakana. Isor do Abraham oka emae reakʼe gokʼade tahẽkan ape hõ ona sanamakʼren ạidạrikope hoyakana.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Romiko lạgitʼ Pạul Apostolakʼ ciṭhi 4:12

Ona chaḍa, khatnakʼ lahare Abraham do cetʼleka biswạs reakʼ horreye taṛametʼ tahẽkan, onkage khatna akan okoeko calakʼkan onkoren hõ Abraham doe baba kana.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Johan 1:47

Jisu do Nathanael acʼ ṭhen hijukʼkane ńelkede khane menkeda, “Hạni ńelepe, mitʼṭen sạri Israel. Uniyakʼ monre do jãhãn phạsiạrage bạnukʼ anaṅ.”

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Sereńko 73:1

Okoeyakʼ ontor khạṭige onko Israelko secʼ Isor do sạrigeye bhạlạiyicʼ kana.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Galathiko lạgitʼ Pạul Apostolakʼ ciṭhi 5:25

Abo do sonot Jiu hotete jiwetʼ menakʼ bon khan enḍekhan dela, sonot Jiu leka bon taṛamma.

Galathiko lạgitʼ Pạul Apostolakʼ ciṭhi 5:16

Ińakʼ mone joṅakʼ do noage, ape do sonot Jiu lekate colonpe. Arpe onkale khan jel reakʼ sana do bape purạutapea.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

1 Bõsbudạ 12:18

Okoe do tayomte “Pegel” dolkoren mukhiyại hoylen uni Amasae cetanre Probhu Isorren Jiu doe hecʼena. Ar unre uni doe menkeda, “E Dạud, ale do amren kangeale! E Jisạiren hopon, Ale do am secʼrege menakʼlea. Bhạlại hoyokʼtam ma, amakʼ bhạlạige baṛe hoyokʼma, onkoakʼ bhạlại hõ hoyokʼtakoma, okoe do amko goṛowam kan, ente amren Isor do ame goṛowam kana.” Unre Dạud do onkoe ataṅketʼkote acʼren bạiriko cetanren mukhiyạkoe benaoketʼkoa.”

Philipiko lạgitʼ Pạul apostolakʼ ciṭhi 4:7

Ona iạte, Isorakʼ okaṭakʼ suluk reakʼ katha manwa do hudiskate hõ bako bujhạu daṛeakʼkan, ona suluk do Mạsi Jisu hotete apeakʼ mon ar ontore rukhiyạitapea.

Galathiko lạgitʼ Pạul Apostolakʼ ciṭhi 1:3

Isor Baba ar aboren Probhu Jisu Mạsi do daya ar suluke danape ma.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Ephesiko lạgitʼ Pạul Apostolakʼ ciṭhi 6:23

Isor Baba ar Probhu Jisu Mạsi do boehako suluk, pạtiạu, are dulạṛpema.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Jihudạwakʼ ciṭhi 1:2

Isor do daya, suluk ar dulạṛe danape ma.