Galathiko lạgitʼ Pạul Apostolakʼ ciṭhi 6:14 - সান্তালী বাইবেল

¹⁴ Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Santali Common Language New Testament

¹⁴ Probhu Jisu Mạsiakʼ krus chaḍa ar cetʼte hõ jemon aloń sarhaokʼ. Noa krus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Galathiko lạgitʼ Pạul Apostolakʼ ciṭhi 6:14 Referans Kwoze

Romiko lạgitʼ Pạul Apostolakʼ ciṭhi 6:6

Baḍaegea bon, aboakʼ kại hoṛmo marao lạgitʼge aboren ‘mare hoṛtetʼ’ do Mạsi sãoteye kurus ocoyena jemon kạiren golam do ar alo bon tahen;

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kurusledeyicʼ Jisu Mạsi baḍaeye chaḍa ar cetʼge bạń baḍaejoṅa.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

1 Korinthiko 3:21

Onate okoe hõ jãhãe manwa iạte alope sarhaokʼa, ente jotoge coṅ apeakʼkan;

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwigeye emkeda, jemon noa bạṛicʼ piṛhirenko khone rukhiyạ bon.

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

Romiko lạgitʼ Pạul Apostolakʼ ciṭhi 6:2

Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

2 Korinthiko 11:12

Okoe apnarko sarhaokʼre ale somanko udugokʼkan onko jemon ona ạt aloko ńam onate okań kạmikan onageń kạmi idiya.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

Luk 20:16

Uni do hecʼkate onkoe gocʼkoa ar bagwan do eṭakʼko ṭhene bạisạu oṭokakʼa.” Hoṛko do Jisuakʼ noa katha ańjomkateko menkeda, “Nonka do alo baṛe hoyokʼ ma.”

Galathiko lạgitʼ Pạul Apostolakʼ ciṭhi 2:17

“Mạsi hotete dhorom mente Isor ṭhen aṅgocokʼ lek hoyokʼ lạgitʼ bon kurumuṭuyetʼ khan, boṅgan hoṛ jạtrenko leka kạiyanko kana bon, enḍekhan Mạsi do cetʼ kạiren sapʼ dapʼicʼ kanae? Tishõ baṅa.

Galathiko lạgitʼ Pạul Apostolakʼ ciṭhi 2:19

Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

Galathiko lạgitʼ Pạul Apostolakʼ ciṭhi 3:21

Enḍekhan ạn do cetʼ Isorakʼ gokʼakʼko birud reakʼ kana? Khạṭige baṅa. Isor do jiwetʼ oco reakʼ mitʼṭecʼ ạne emlen khan enḍekhan khạṭige manwa do dhorom menteye bikạu ocokokʼa.

Philipiko lạgitʼ Pạul apostolakʼ ciṭhi 3:18

Iń do aema dhaoiń lại akawatʼpea ar ńitokʼ hõ mẽtʼdakʼ joro joroteń lạiyape kana, nonkan aema hoṛ menakʼkoa one okoe do Mạsiyakʼ kurusren bạiri lekako colonetʼkan.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?