Galathiko lạgitʼ Pạul Apostolakʼ ciṭhi 5:17 - সান্তালী বাইবেল

¹⁷ Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Santali Common Language New Testament

¹⁷ Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin birudrekin meneda ape okape monejoṅkan ona do alope kạmiya.

Galathiko lạgitʼ Pạul Apostolakʼ ciṭhi 5:17 Referans Kwoze

Romiko lạgitʼ Pạul Apostolakʼ ciṭhi 8:13

Ape do kại gobolrepe colon khan jaejug lạgitʼpe gujukʼa. Menkhan sonot Jiu hotete hoṛmo reakʼ sanam bạṛicʼakʼ kạmikope marao giḍiletape khan, enḍekhan jaejug hạbicʼ jiwetʼpe tahena,

Johan 3:6

Manwa khon janam akanicʼ do manwage ar Jiu khon janam akanicʼ do Jiuge.

Mathae 26:41

Jagwar tahenpe ar koejoṅpe jemon biḍạure alope paṛaokʼ. Jiure sana menakʼgea, menkhan hoṛmo do nijorgea.”

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Sosolhayic̕ 7:20

Dhạrtire nonkan dhorom hoṛge bạnukʼkoa okoe jao okte bhageakʼe kạmikan, ar tishõ bae kạiyetʼ.

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Galathiko lạgitʼ Pạul Apostolakʼ ciṭhi 3:21

Enḍekhan ạn do cetʼ Isorakʼ gokʼakʼko birud reakʼ kana? Khạṭige baṅa. Isor do jiwetʼ oco reakʼ mitʼṭecʼ ạne emlen khan enḍekhan khạṭige manwa do dhorom menteye bikạu ocokokʼa.

Luk 22:33

Patras do Jisui metadea, “E Probhu Isor, am tulucʼ hajot ocokʼ ar gujukʼ hõń sapṛaogea.”

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Sereńko 130:3

E Probhu Isor, dhorom reakʼ hisạbem hatao khan, enḍekhan E Probhu Isor, okoeye teṅgo ṭarhao daṛeakʼa?

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Sereńko 119:159

Ńelme, amakʼ ạn ạriko do tinạkʼ iń dulạṛeda! E Probhu Isor, amakʼ asambheṛ dulạṛte nãwã daṛe baṛe danạńme.

Sereńko 119:133

Amakʼ katha leka ṭhik horte calakʼ lạgitʼ am do ińakʼ jaṅgam kajaketʼtińạ; jãhãn behokakʼ jemon ińre aloe raj daṛeakʼ.

Sereńko 119:40

Amakʼ ạn ạriko doń uihạretʼkana; am dom dhoromgete nãwã daṛe baṛe danạńme.

Sereńko 119:35

Amakʼ hukum reakʼ horre ạyurińme, ente iń do onategeń rạskạkʼa.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Genesis 6:3

Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”