Galathiko lạgitʼ Pạul Apostolakʼ ciṭhi 5:13 - সান্তালী বাইবেল

¹³ E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ kusi sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Santali Common Language New Testament

¹³ E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

Galathiko lạgitʼ Pạul Apostolakʼ ciṭhi 5:13 Referans Kwoze

1 Patras 2:16

Sạdhin hoṛko leka jion khemaope, menkhan dusṭạmi dapal lạgitʼ ona sạdhintetʼ do alope beohara. Ona bodolte Isorren golamko leka jion khemaope.

1 Korinthiko 9:19

Iń do jãhãeren golamiń baṅkanre hõ sanamkoren golamiń hoyakana, jemon Mạsi lạgitʼ ḍher hoṛiń lab daṛeako.

1 Korinthiko 8:9

Menkhan, sontor akan tahenpe, jemon apeakʼ noa sạdhintetʼ do nijorkoakʼ tạkicʼakʼ aloe hoyocoe.

Galathiko lạgitʼ Pạul Apostolakʼ ciṭhi 5:14

ente sanam ạn-ạriko do niạ mitʼ katharege guṭmitʼ akana, “Am aḍepaseren hoṛ apnar leka dulạṛem.”

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

2 Patras 2:19

Onko eṛe cecetʼko do onko hoṛko sạdhinokʼ reakʼko gokʼako kangea, menkhan ako do bạṛicʼ kạmire golam akanko tahenkana; ente jãhãe jãhãnakʼreye bhagao ocolen khan uni do onaren golame hoyokʼa.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoyakana.

Aposkạmi 20:35

Iń okań ceka akatʼ ona sanamakʼge ape koń udukʼakatʼpea je, nonkan kajak khaṭao hotete nijorko goṛowako do lek kana ar Probhu Jisuakʼ noa katha jemon disạ dohokʼ baṅma, ‘hatao khon emokʼrege bickom ḍher bhor do ńamokʼa.’ ”

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Galathiko lạgitʼ Pạul Apostolakʼ ciṭhi 4:22

Sostorre olakana Abrahamren do barea hoponkin tahẽkantaea, unkin modre mitʼṭenren eṅgattetʼ do kạ̃ṛmĩ erae tahẽkana ar eṭagicʼren eṅgat do Abrahamren sạdhin erageye tahẽkana.

1 Thessalonikikko 1:3

Biswạs khạtirte okape kạmikan, dulạṛ khạtirte okape mehnotetʼkan ar aboren Probhu Jisu Mạsire as akan iạte okape sombhuriyetʼkan, ona katha do jaoge aboren Isor Baba samaṅre koejoṅrele disạyeda.

2 Korinthiko 12:15

Iń do ạḍi kusikatege oka menakʼtiń ona jotowakʼ ape lạgitʼiń khoroca ar apnartetʼ hõń emokʼa. Asambheṛeń dulạṛetʼpe khan cetʼ ape do komgepe dulạṛińạ?

2 Korinthiko 3:17

Probhu Isor kangeae sonot Jiu do; ar okare Probhu Isorren Jiue tahenkan onḍege sạdhintetʼ do menakʼa.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

2 Korinthiko 2:8

Onate bạ̃ṛtikaeteń nehõrape kana, unipe dulạṛede kan khan ona baṛe sạbudtape.