Galathiko lạgitʼ Pạul Apostolakʼ ciṭhi 5:10 - সান্তালী বাইবেল

¹⁰ Ape reaṅ Probhu Isorre noa pạtiạu menakʼtińạ, ape do okaṭakʼ reakʼ hõ bape eṭakʼ motokʼa. Menkhan okoeye ạulạuetʼpe, uni doe jãhãekange, uni do acʼakʼ kuṛạiye ńamgea.

Santali Common Language New Testament

¹⁰ Ape reaṅ Probhure noa pạtiạu menakʼtińạ, ape do okaṭakʼ reakʼ hõ bape eṭakʼ monokʼa. Menkhan okoeye ạulạuetʼpe, uni doe jãhãe kange, uni do acʼakʼ kuṛạiye ńamgea.

Galathiko lạgitʼ Pạul Apostolakʼ ciṭhi 5:10 Referans Kwoze

Galathiko lạgitʼ Pạul Apostolakʼ ciṭhi 5:12

Okoe apeko ạulạuetʼpe, onkore ińakʼ khojogokʼakʼ do noage, onko do apnarge jemonko getʼ begarokʼ.

Philipiko lạgitʼ Pạul apostolakʼ ciṭhi 3:15

Ona iạte dhorom secʼte okoe bon laha idikʼkan abo do inạ mitʼ monejoṅakʼge tahen lek tabona. Ar jãhãnakʼ reaṅ eṭakʼ lekape moneyetʼ khan Isor do ona hõe udukʼapea.

Galathiko lạgitʼ Pạul Apostolakʼ ciṭhi 1:7

Ona do jãhãn bhage sombatge baṅkana. Enrehõ adom hoṛ menakʼkoa one okoe do sulukte bako tahẽ ocowape kan, ar Mạsi reaṅ bhage sombat bodolko monejoṅkan.

2 Korinthiko 2:3

Ińiń calakʼre okoeko ṭhen rạskạ ńamokʼ reakʼ katha onko ṭhen khon jemon duk aloń ńam, onate noako kathań olleda. Apere noa pạtiạu menakʼtińa je, iń okaṭakʼte rạskạń ńam ape hõ onatege rạskạpe ńama.

1Timothi 1:20

Onko hoṛ modre Humenaeos ar Aleksander hõ menakʼkinạ. Onate unkin do Soetanakʼ tireń aṛakʼ akatʼkinạ, jemon noa sikhạunakin ńam baṅma, Isor opomane do baṅ ṭhika.

Galathiko lạgitʼ Pạul Apostolakʼ ciṭhi 6:17

Mucạtʼreń menkea, okoe hõ aloko duk ocoyińma, ente Jisuakʼ ghạl dagko reakʼ cinhạkoge ińakʼ hoṛmoreń asen baṛayeda.

Galathiko lạgitʼ Pạul Apostolakʼ ciṭhi 4:17

Onko eṭakʼ hoṛ do ape lạgitʼko ãṭokʼkana, menkhan bhage monsubạ iạte do baṅ. Onko do iń khon ạcur ruạṛpeko khojkana, jemon onko lạgitʼpe ãṭokʼ.

Galathiko lạgitʼ Pạul Apostolakʼ ciṭhi 3:1

E bebuj Galatiko, okoeye muhniketʼpea? Ape ma coṅ pusṭạutegeń porcaratʼpe tahẽkan, Jisu Mạsi doe kurus ocolena mente.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Galathiko lạgitʼ Pạul Apostolakʼ ciṭhi 2:4

Adom eṛe boehako oko okoteko bololente katha do rakapʼlena. Jisu Mạsire biswạsiko lekate aboakʼ oka sạdhintetʼ menakʼ ona sạdhintetʼ reakʼ dosko sab lạgitʼ onko do oko okoteko bololena jemon golamko benao daṛeabon.

2 Korinthiko 10:6

Ape do tinre purạtepe gobolokʼa unre okoe bin gobolreko tahen onko sạjạiko lạgitʼle sapṛao tearokʼa.

1 Korinthiko 5:5

unre uni hoṛ do Soetan tire jimạkae hoyokʼa, jemon uniyakʼ hoṛmo ḍahao maraokʼtae menkhan Jiu do Probhu Jisuakʼ hijukʼ dinre bańcaoe ńam.

Aposkạmi 15:24

“Alele ańjomkeda je, aleko mod khon adom hoṛ do senkate ạḍi lekan kathate apeakʼ monko ạulạuetʼte kosṭoko emapekana, menkhan ale do nonkan kạmi bale menakatʼkoa.

Philimon 1:21

Am do ińakʼ katham senakʼa menteń baḍaete noa ciṭhiń olam kana. Menkhan ińiń baḍaea, iń okań lạiyamkan ona khon hõ am do ḍhergem onkaea.

2 Thessalonikiko 3:4

Probhu Isor tulucʼ jopoṛao menakʼpete ape reaṅ noa pạtiạu menakʼtalea je, ale okakole hukum akatʼpe ona lekagepe kạmikana ar kạmi iditegepe tahena.

Galathiko lạgitʼ Pạul Apostolakʼ ciṭhi 4:20

Ińakʼ monejoṅakʼ do noage, niạ ciṭhi olape bodolte ńitge ape talareń hạjirokʼte ape tulucʼ iń galmaraoa, ente ape reaṅ do bạń bujhạu daṛeakʼ kana cetʼiń cekaea mente.

Galathiko lạgitʼ Pạul Apostolakʼ ciṭhi 4:11

Ape lạgitʼ noageń botorokʼ kana je, iń do ạuṛiyakʼge ape lạgitʼ iń khaṭao akan coṅ cetʼ coṅ.

2 Korinthiko 13:10

Onate ape ṭhen bạnuńre hõ noakoń olape kana, jemon ape ṭheniń senlenre Probhu Isor okaṭakʼ ektiạriye emakawạdiń ona ajhaṭte aloń beohar. Ona ektiạri reakʼ monsubạ do apeko benao rakapʼpe lạgitʼge, dhaṅ-dhaserpe lạgitʼ do baṅa.

2 Korinthiko 10:2

Jel lekatele coloneda mente okoeko hudisetʼle, onko upạrte tinạkʼ dil udukʼ jạruṛ, ińiń hecʼlenre unạkʼ dil jemon udukʼ baṅ lagaoạń.

2 Korinthiko 8:22

Ona chaḍa onko tulucʼ aleren armitʼ boeha hõle kolekana. Uni do calakʼ lạgitʼe khaṛagea, ente ạḍi dhaole biḍạu aṭkar akadea; ar ape upạrte uniyakʼ do ńitokʼ ạḍi pạtiạu hoyakante calakʼe khaṛagea.

2 Korinthiko 7:16

Iń doń kusiakana, ente jotowakʼre ape cetanreń bhorsa daṛeakʼa.

2 Korinthiko 5:16

Onate ńit khon manwawakʼ bahre secʼ ńelte do bale bicạra. Ale hõ Mạsi do pạhilte onkagele baḍaeledea, menkhan ńitokʼ onka do ar bale baḍaeyede kana.

2 Korinthiko 2:6

Aperen ḍher hoṛko mitʼkate okaṭakʼ sạjạiko emakawade onage uni lạgitʼ do ḍhera.

2 Korinthiko 1:15

Ar noa katha sạrikana mente baḍaekate iń do laharege ape ṭhen calakʼ lạgitʼ iń goṭaleda, jemon bar dhao bhorpe ńam daṛeakʼ.

Galathiko lạgitʼ Pạul Apostolakʼ ciṭhi 5:7

Ape ma besge coṅpe dạṛetʼ tahẽkan; enḍekhan sạriyakʼre gobolokʼ lạgitʼ do okoeye tạkicʼketʼpea?