Galathiko lạgitʼ Pạul Apostolakʼ ciṭhi 4:18 - সান্তালী বাইবেল

¹⁸ Tobe bhageakʼ lạgitʼ ãṭokʼ do bogegea. Eken ape talare hạjiriń tahenre do baṅ, menkhan jaoge ãṭokʼ do bogegea.

Santali Common Language New Testament

¹⁸ Tobe bhageakʼ lạgitʼ ãṭokʼ do bogegea. Eken ape talare hạjiriń tahenre do baṅ, menkhan jaoge ãṭokʼ do bogegea.

Galathiko lạgitʼ Pạul Apostolakʼ ciṭhi 4:18 Referans Kwoze

Philipiko lạgitʼ Pạul apostolakʼ ciṭhi 2:12

E ińren dulạṛiạ boehako, ape do jaogepe batao ạguakatʼa. Ar eken sãoreń tahẽkan oktere do baṅ, menkhan biseskaete ńit bạnuńre hõ botor ar thar tharaokʼ salakʼ apeakʼ kạmiko talate udugpe, kại khon bańcaope ńamakada mente.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

Galathiko lạgitʼ Pạul Apostolakʼ ciṭhi 4:13

Baḍaegeape, hoṛmo reakʼ nijor salakʼ pạhil dhao bhage sombatiń jạhiratʼpe tahẽkana.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Sereńko 119:139

Ińren bạiriko do amakʼ kathako hiṛiń akatʼte amakʼ manot rukhiyại lạgitʼ khạndri udgạu iń doe ńam akadińạ.

Johan 2:17

Onate celako do sonot sostorre olakan uniyakʼ noa katha disạ hecʼatʼkoa: Amakʼ oṛakʼ lạgitʼ ińakʼ oka khạndri dulạṛtiń, ona dulạṛge ińakʼ ontor doe jal jalaotińạ.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Galathiko lạgitʼ Pạul Apostolakʼ ciṭhi 4:20

Ińakʼ monejoṅakʼ do noage, niạ ciṭhi olape bodolte ńitge ape talareń hạjirokʼte ape tulucʼ iń galmaraoa, ente ape reaṅ do bạń bujhạu daṛeakʼ kana cetʼiń cekaea mente.

Galathiko lạgitʼ Pạul Apostolakʼ ciṭhi 4:17

Onko eṭakʼ hoṛ do ape lạgitʼko ãṭokʼkana, menkhan bhage monsubạ iạte do baṅ. Onko do iń khon ạcur ruạṛpeko khojkana, jemon onko lạgitʼpe ãṭokʼ.