Galathiko lạgitʼ Pạul Apostolakʼ ciṭhi 2:8 - সান্তালী বাইবেল

⁸ Ente Jihudiko ṭhen apostolokʼ lạgitʼ Patrase daṛe ocokedeicʼ do boṅgan hoṛ jạtrenko lạgitʼ iń hõe daṛe ocokedińa.

Santali Common Language New Testament

⁸ Ente Jihudiko ṭhen apostolokʼ lạgitʼ Patrase daṛe ocokedeicʼ do boṅgan hoṛ jạtrenko lạgitʼ iń hõe daṛe ocokedińa.

Galathiko lạgitʼ Pạul Apostolakʼ ciṭhi 2:8 Referans Kwoze

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

1 Korinthiko 9:2

Eṭakʼko apostol mente bako aṅgocińre hõ ape do apostol mentepe aṅgocińạ. Ape je, Probhu Isorren hoṛpe hoyakan onage ińakʼ apostol hudạ reakʼ sạbudtetʼ do.

Aposkạmi 8:17

Unre Patras ar Johan do onkokin capoketʼkoa, ar onko do sonot Jiuko ńamkedea.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsi hoṛko ḍher idiyente mõṛẽ hajarko hoyena.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼ iń khaṭaokʼ kana.

Galathiko lạgitʼ Pạul Apostolakʼ ciṭhi 3:5

Isor do sonot Jiu cedakʼe em akawatʼpea ar ape talare nunạkʼ hahaṛawakʼko cedakʼe kạmikana ona baṛe hudispe. Uni do cetʼ ạn-ạrikope manaoetʼkante noakoe kạmikana, se bhage sombatrepe pạtiạu akanteye onkayeda?

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.