Galathiko lạgitʼ Pạul Apostolakʼ ciṭhi 2:19 - সান্তালী বাইবেল

¹⁹ Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

Santali Common Language New Testament

¹⁹ Ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

Galathiko lạgitʼ Pạul Apostolakʼ ciṭhi 2:19 Referans Kwoze

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Romiko lạgitʼ Pạul Apostolakʼ ciṭhi 6:2

Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

1 Thessalonikikko 5:10

Mạsi do abo lạgitʼe gocʼlena, onate jiwetʼ bon tahen ar bon gujukʼ, abo do jemon uni tulucʼ jiwetʼ bon tahen.

2 Korinthiko 5:15

Uni do sanamko ńutumteye gocʼlena jemon okoe jiwetʼ menakʼko onko do apnar lạgitʼ jiwetʼ aloko tahen, bickom okoe onko lạgitʼe gocʼlen are jiwetʼ beretʼen uni lạgitʼ jiwetʼko tahen.

Romiko lạgitʼ Pạul Apostolakʼ ciṭhi 6:11

Ṭhik onkage noa kathare pạtiạukʼpe je, Jisu Mạsi tulucʼpe mitʼ akante ape hõ kạirepe gocʼ akana, ar ńitokʼ do Isor lạgitʼ jiwetʼ menakʼpea.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.

1 Patras 4:6

Gocʼko ṭhen hõ coṅ ona iạte Mạsi reaṅ bhage sombat porcarlen, jemon hoṛmo secʼte manwa leka bicạr hoylentakore hõ Jiu secʼte onko do Isor leka jiwetʼko tahẽdaṛeakʼ.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?

Galathiko lạgitʼ Pạul Apostolakʼ ciṭhi 3:24

Enḍekhan ńelokʼkana, Mạsi ṭhen seṭerokʼ lạgitʼ noa ạnge aboren ạyuricʼ do, jemon pạtiạu hotete dhorom mente bon ṭarhao ocokʼ.

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

Romiko lạgitʼ Pạul Apostolakʼ ciṭhi 7:14

Baḍaegea bon ạn do Jiu reaṅ kana, menkhan iń doń kại gobolren kante kạiren golamiń hoyakana.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Romiko lạgitʼ Pạul Apostolakʼ ciṭhi 4:15

Ente ạn-ạri do Isorakʼ sạjạiye ạguiya. Sạri katha do noage, okare ạnko baṅ tahen onḍe do ạn bemanot reakʼ kukli hõ baṅ rakapʼlena.

1 Korinthiko 9:20

Jihudiko labko lạgitʼ do Jihudiko ṭhen Jihudi lekań hoyakana. Ente Moseyakʼ ạn-tạriren iń baṅkanre hõ okoe ạn-tạrire menakʼko onko labko lạgitʼ onko lekań hoyakana.

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.