Exodus 9:4 - সান্তালী বাইবেল

⁴ Menkhan Israelkoren gại ḍaṅgrako do Misorrenko khoniń begarkoa. Ar onkoren tinạkʼ gại-ḍaṅgra menakʼko onko do mitʼṭen hõ bako gujukʼa.’ ”

Exodus 9:4 Referans Kwoze

Exodus 8:22

Menkhan enhilokʼ do Gosen disạmiń begara, ente onḍe do ińren hoṛko girobasokʼ kana. Onḍe do jãhãn kãṛa loṭocʼge bako tahena. Ar onatepe baḍae daṛeakʼa, iń Probhu Isorge noa disạmre minạńa.

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 10:23

Ona pe din okoege bako ńepel ńapamlena ar oṛakʼ bạgikate okoe hõ bahrete bako oḍoklena. Menkhan Israelko okareko tahẽkan onḍe do marsalge tahẽkana.

Exodus 9:5

Ar Probhu Isor do ona mahamạri reakʼe ṭhik dohokada. Uniye menakada, “Gapage noa disạm cetanre onań paṛao ocoya.”

Exodus 9:6

Dosar hilokʼ Probhu Isor doe onkakeda. Onate Misorren sanam gại-ḍaṅgra ar bhiḍi meromko gocʼ cabayena, menkhan Israelkoren gại-ḍaṅgrako do mitʼṭen hõ bako gocʼlena.

Exodus 9:26

Menkhan Israelko okareko tahẽkan ona Gosenre do arel baṅ ńurlena.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Exodus 8:19

Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.