Exodus 9:27 - সান্তালী বাইবেল

²⁷ Pharao do unre Mose ar Aron hohowatʼkinteye metatʼkinạ, “Niạ bar doń kại akada. Probhu Isor do ṭhikgeye kạmiakatʼa. Iń ar ińren hoṛgele dusigea.

Exodus 9:27 Referans Kwoze

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Sereńko 129:4

Menkhan Probhu Isor doe dhorom bicạricʼ kana, uni do bạṛicʼkoakʼ babere getʼ topakʼakada.”

2 Bõsbudạ 12:6

Onate raj ar Israelren mukhiyạko do apnartetʼ nindhạnenteko menkeda, “Probhu Isor doe dhoromgea.”

Exodus 10:16

Unre Pharao do usạra Mose ar Arone hoho ạgu ocoketʼkinteye metatʼkinạ, “Iń do aperen Probhu Isor ar ape upạrteń kại akada.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Daniel 9:14

Onatege E Probhu Isor, am do muhinem ṭhik dohoakada jemon ale cetanre ńitem kol daṛeakʼ, ente aleren Probhu do sanamakʼ kạmirege hokakʼren Isor kanae; enhõ ale do amakʼ katha bale ańjomleda.

Numeri 22:34

Unre Biliam do Probhu Isorren goḍete metadea, “Iń doń kại akada. Bạń bujhạu daṛeada, am dom tạkicʼ daram edeńkana mente. Ińre kusi bạnum khan enḍekhan iń doń ruạṛ calakʼa.”

1 Samuel 26:21

Unre Sạule menkeda, “Aliń doliń kại akada. E jãwãe, aben do dela ruạṛ hijukʼ ben. Teheń ạlińakʼ jiwi do aben ṭhen ạḍi damakʼge tahẽkana; ạliń do abenakʼ loksan reakʼ ar bạliń kurumuṭuya. Sạrige noa maraṅ behok iạte lelha leka liń kạmi akada.”

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Exodus 8:25

Unre Pharao do Mose ar Aron hoho ạgu ocoketʼkinteye metatʼkinạ, “Ape do noa disạmrege jãhãre senkate aperen Isor ńutumte dãṛẽ samaṅpe.”

Exodus 10:17

Onate dayakate niạ dhao baṛe ikạkạńpe. Ar aperen Probhu Isor ṭhen nehõrokʼpe jemon uni do iń cetan khon gujukʼ umule ocokʼ giḍikakʼ.”

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Josuạ 7:20

Akhane roṛ ruạṛkeda, “Noa katha do sạri kana, Israelkoren Probhu Isor upạrteń kại akada. Ar okań kạmi akatʼ ona do noa kana,

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.