Exodus 9:26 - সান্তালী বাইবেল

²⁶ Menkhan Israelko okareko tahẽkan ona Gosenre do arel baṅ ńurlena.

Exodus 9:26 Referans Kwoze

Exodus 11:7

Menkhan Israelko modren jãhãe upạrte mitʼṭen setawakʼ bhokʼ hõ baṅ ańjomokʼa, baṅ do manwa ńelte ar baṅ do janwar upạrte. Jemonpe baḍae daṛeakʼ, Probhu Isor do Misriko ar Israelko talareye bekʼgarkana mente.

Exodus 10:23

Ona pe din okoege bako ńepel ńapamlena ar oṛakʼ bạgikate okoe hõ bahrete bako oḍoklena. Menkhan Israelko okareko tahẽkan onḍe do marsalge tahẽkana.

Exodus 9:4

Menkhan Israelkoren gại ḍaṅgrako do Misorrenko khoniń begarkoa. Ar onkoren tinạkʼ gại-ḍaṅgra menakʼko onko do mitʼṭen hõ bako gujukʼa.’ ”

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 9:6

Dosar hilokʼ Probhu Isor doe onkakeda. Onate Misorren sanam gại-ḍaṅgra ar bhiḍi meromko gocʼ cabayena, menkhan Israelkoren gại-ḍaṅgrako do mitʼṭen hõ bako gocʼlena.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Exodus 8:19

Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.

Jirimiạ 23:6

Unre Jihudạ do rukhiyại ńama ar Israelko do khạtirjomako girobasokʼa. Ar uni do noa ńutumgeye hoho ocokʼa ‘Probhu Isorge aboakʼ dhorom do.’