Exodus 9:24 - সান্তালী বাইবেল

²⁴ Eken arel ńurokʼ do baṅ, ona são sãote bijli hõ malkaokʼkan tahẽkana. Misor raj reakʼ etohopʼ khon ńit hạbicʼ goṭa disạmre nonka do ar tishõ baṅ hoyakan tahẽkana.

Exodus 9:24 Referans Kwoze

Mathae 24:21

Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoyakan ar tisge baṅ hoyokʼa.

Exodus 10:6

Ona tayom am ar amren sanam kạmiyạko ar eṭakʼ sanam Misrikoakʼ oṛakʼ-duạr do onko pohokote perejokʼa. Noa disạmte hecʼ tayom amren baba-haṛam ar onkoren hapṛamko hõ nonka do tishõ bako ńelakada.’ ” Ar noa katha roṛ tayom Mose doe ạcurente Pharao ṭhen khone calaoena.

Exodus 9:23

Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Exodus 9:18

Ona iạte gapa ṭhik niạ oktege botoranakʼ arel iń kola one onka Misor disạmre tisge baṅ hoyakan.

Exodus 9:25

Misor disạm reakʼ ṭạnḍikore okoe manwa ar gại ḍaṅgrako tahẽkan onko do celege arel khon rukhiyạ do bako ńamleda. Arelte ṭạnḍi reakʼ sanam phosol do nosṭo cabayena ar dare reakʼ ḍạrko rạputʼ ńurhạyena.

Jeheskel 13:13

“ ‘Iń do edrete ińakʼ birbão hoeyiń hoeocoya. Ińakʼ edre ar khĩste lạṭu lạṭu arel ar jhar jhar dakte onań marao giḍikakʼa.

Jobakʼ 38:23

Onako do gạr jokhecʼ lạgitʼ iń jogao dohoakada, ona do khanḍa khạnḍi ar lạṛhại reakʼ din lạgitʼ iń jogao dohoakada.

Sereńko 18:13

Probhu Isor do serma khone huḍurkeda; ar maraṅ daṛeyicʼ do arel ar seṅgel aṅgrakore acʼakʼ aṛaṅe ańjom ocokeda.

Sereńko 105:32

Uni do dakʼ lekage onko cetanre arele ńur ocokeda, ar goṭa disạmre bijli malkaokʼ ehopʼena.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jeheskel 1:4

Iń do beṅgetʼ rakapʼketʼteń ńelkeda utạr secʼ khon mitʼṭecʼ birbão hoe hijukʼkana, mitʼṭecʼ maraṅ rimilre bijli malkaokʼ kana ar ona beṛhaete do jhak jhak marsal tahẽkana. Ona bijli talare pitạl reakʼ jhalkaokʼkan mitʼṭecʼ marsal tahẽkana.