Exodus 9:23 - সান্তালী বাইবেল

²³ Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Exodus 9:23 Referans Kwoze

Sereńko 18:13

Probhu Isor do serma khone huḍurkeda; ar maraṅ daṛeyicʼ do arel ar seṅgel aṅgrakore acʼakʼ aṛaṅe ańjom ocokeda.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Jeheskel 38:22

Iń do mahamạri ar mãyãmte Gogiń sạjạiyea; botoranakʼ dakʼ, arel ar jolokʼkan gondhok do uni cetanre, ar uniren lạṛhại phạdko cetanre ar uni soṅgeten sanam jạtrenko cetanreń upʼ gotʼkakʼa.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Johan sodor 8:7

Ar pạhilicʼ serma goḍet do acʼakʼ siṅgại oroṅketʼ khan mãyãm mesalakatʼ arel ar seṅgel do dhạrtirte lebda giḍiyena. Onate pe hạṭiń reakʼ mitʼ hạṭiń dhạrti, ar pe hạṭiń reakʼ mitʼ hạṭiń dareko ar sanam hạriạṛ ghãsko do lo roṅgoyena.

Sereńko 148:8

E bijli ar arel, him ar kuṛhạ ar uniyakʼ hukum senakʼ birbão uni sarhaoepe.

Sereńko 77:18

Amakʼ huḍur reakʼ saḍe do birbãore ańjomena, amakʼ bijli reakʼ malkaote dhạrti doe marsalkeda; dhạrti do dal malaoena ar thar tharaoena.

Sereńko 29:3

Dakʼ cetanre Probhu Isorakʼ aṛaṅ do ańjomokʼa; Ar ṭhonokren Isor doe huḍureda; ar sanam dakʼko cetanreye huḍur ocoyeda.

Johan sodor 16:21

Serma khon lạṭu lạtu dhiri lekan arel manwako cetanre ńurokʼ ehopʼena. Ona mitʼke mitʼ reakʼ hamal do mitʼ mongan tahẽkana. Noa arel reakʼ sạjạite hoṛko do Isorko henostawadea, ente ona arel reakʼ sạjại do ạḍi botorge tahẽkana.

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 19:16

Ado tesar hilokʼ setakʼ jokhecʼ huḍur ar bijli malkaokʼ ehopʼena ar buru cetanre mitʼṭecʼ hende rimil ńelena. Ona chaḍa ạḍi murukte sakwa saḍeyena. Noako ńel ar ańjomte ḍeraren sanam hoṛ doko thar tharaoena.

Johan sodor 16:18

Unre bijli malkaokʼ lagaoena, ạḍi botor saḍe ar huḍurko hoyena, ar ạḍi ãṭ dhạrti laṛaoena, one dhạrtire manwa sirjạu tayom ar tisge baṅ hoyakan. Ar ona dhạrti laṛao do ạḍi botorge tahẽkana.

Genesis 19:24

Ona tayomge Probhu do sermaren Probhu Isor ṭhen khon Sodom ar Gomora cetanre gondhok ar seṅgel dakʼe jạ̃ṛĩkeda.

Exodus 9:18

Ona iạte gapa ṭhik niạ oktege botoranakʼ arel iń kola one onka Misor disạmre tisge baṅ hoyakan.

Exodus 9:24

Eken arel ńurokʼ do baṅ, ona são sãote bijli hõ malkaokʼkan tahẽkana. Misor raj reakʼ etohopʼ khon ńit hạbicʼ goṭa disạmre nonka do ar tishõ baṅ hoyakan tahẽkana.

Jobakʼ 37:13

Manwa sạjại emako lạgitʼ se uniyakʼ dhạrtire dakʼ emakʼ lạgitʼ, se acʼakʼ dulạṛ udug lạgitʼ uni do jạṛi dakʼe emetʼ kana.

Sereńko 147:17

Uni do piṭhạ kecakʼ leka arele ńur ocoyeda; uni emakʼ rabaṅ do okoeye sahao daṛekea?