Exodus 9:17 - সান্তালী বাইবেল

¹⁷ Am do ńitʼ hõ ińren hoṛko upạrtem teṅgo akana ar bam sen ocoako kana.

Exodus 9:17 Referans Kwoze

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

Jesaea 37:29

Iń upạrtem edre akana ar amakʼ bạḍại reakʼ katha do ińakʼ luturre hecʼakana ar onate iń do mũreń nakolmea ar mocareń jhinmea; ar oka hortem hecʼakan ona hortegeń ruạṛ gotʼkama.’

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Jobakʼ 40:9

Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?

Jobakʼ 9:4

Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

Exodus 9:18

Ona iạte gapa ṭhik niạ oktege botoranakʼ arel iń kola one onka Misor disạmre tisge baṅ hoyakan.

Jeheskel 28:6

ona iạte Probhu Isor do noa kathae meneda, amakʼ mon do Isorakʼ mon lekam hudisetʼtama;

Daniel 5:20

Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.