Exodus 9:14 - সান্তালী বাইবেল

¹⁴ ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Exodus 9:14 Referans Kwoze

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Johan sodor 22:18

Okoe hoṛ noa puthi reakʼ sanamakʼ kathako, metakʼme Isorakʼ kathakoe ańjometʼkan, iń do uni ṭhen noa gohań emeda je, jãhãege noa puthire jãhãnakʼe juṭicʼakʼ, enḍekhan Isor hõ noa puthire olakan sanam dukko uniyakʼ jionreye juṭicʼaea.

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Mikạ 6:13

Ar onatege iń do apeakʼ ghạṭ iạte bạṛicʼ sạjạiyiń sạjạipea ariń marao utạrpea.

Jirimiạ 19:8

Niạ nagraha doń jarkhara ar landa-dhutʼakʼgeń hoeocoya; ar okoe ona aṛeteko parom calakʼ onko do ona reakʼ duk ńelte botor caṛhaoakoa arko land-dhutʼakʼa.

Jirimiạ 10:6

E Probhu Isor, am leka do okoehõ bạnukʼkoa; am dom maraṅgea, ar amakʼ daṛe hõ maraṅgetama.

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

1 Bõsbudạ 17:20

“E Probhu Isor, am leka do ar celege bạnukʼkoa ar am chaḍa jãhãn Isor hõ bạnukʼkoa; iń do ińakʼ luturtege niạ katha doń ańjomakada.

1 Rapajko 8:38

unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,

2 Samuel 7:22

E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

1 Samuel 4:8

Hae, hae, uni daṛean Isorakʼ ti khon do okoeye rukhiyạ bona? Hahaṅkarre ạḍi lekan moṛokte nui Isorge hahaṅkarre Misri hoṛkoe gocʼletʼkoa.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Levitikus 26:21

“Apeakʼ monre bạiri lekape hudisiń ar ińakʼ katha bape luturakʼ enḍekhan apeakʼ kại reakʼ sạjại do eae doboṛiń ḍhertapea.

Levitikus 26:18

“Ar noa tayom hõ ińakʼ katha bape ańjom enḍekhan apeakʼ kại reakʼ eae doboṛiń sạjạipea.

Exodus 9:15

Iń do ińakʼ daṛeń uduga ar amren hoṛko cetanre nonkan mahamạriń kola onate dhạrti khonpe marao utạrokʼa.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Jesaea 45:5

Iń kangeạń Probhu Isor do, eṭakʼ ar cele hõ bạnukʼkoa; iń chaḍa eṭakʼ Isor do ar bạnuiya. Am bam baḍae akadińre hõ iń doń paṭhe keṭecʼetʼmea,

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Exodus 8:6

Unre Aron do Misor reakʼ sanam dakʼ cetanre acʼakʼ tiye tiạrkeda. Ar onate roṭeko rakapʼ hecʼente disạmko perecʼ cabakeda.