Exodus 8:9 - সান্তালী বাইবেল

⁹ Mose do Pharaoe metadea, “Roṭeko jemon am ar amakʼ oṛakʼ-duạr bạgikate gaḍareko tahen, onate ma lạiyạńme tinre am ar amren hoṛko lạgitʼ iń nehõrokʼa. Okte do amge ṭhikạńme.”

Exodus 8:9 Referans Kwoze

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

1 Rapajko 18:25

Eliạ do Bakʼal debotaren nạbikoe metatʼkoa, “Ape do mitʼṭen ḍaṅgra bachaokate getʼ khanḍa khunḍikate tear maṛaṅepe, ente ape do lekharepe ḍhergea. Ar ona tayom do aperen debota hohoaepe, menkhan seṅgel do alope lagaoakʼa.”

Bikʼcạrko 7:2

Probhu Isor do Gideone metadea, “Midiạnrenko onkoakʼ tireń soprotko lạgitʼ do amren hoṛkoakʼ lekha ḍhergetakoa. Ariń onka lekhan Israelko do apnarko sarhaokʼa arko men boteja, akoakʼ daṛetegeko bańcao akana.

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 7:25

Nil gaḍa cetanre Probhu Isor noa duke kolketʼ tayom eae din paromena.

Exodus 8:11

Roṭe do am ar amakʼ oṛakʼ-duạr, amren kạmiyạko ar amren hoṛko ṭhen khonko oḍok calakʼa. Ar eken gaḍa dakʼregeko tahena.”

Numeri 14:20

Unre Probhu Isore menkeda, “Amakʼ katha lekage onkoakʼ kạiyiń ikạkatʼtakoa.