Exodus 8:4 - সান্তালী বাইবেল

⁴ Onko roṭe do am cetanre ar amren hoṛko cetanre ar amren kạmiyạko cetanreko don baṛaya.’ ”

Exodus 8:4 Referans Kwoze

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jesaea 23:9

Uniyakʼ sanam bạḍạiko maraotae lạgitʼ ar dhạrtiren manotan hoṛko bemanotko lạgitʼ phạdkoren Probhu Isorge niạ doe goṭa doholetʼ tahẽkana.

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jesaea 19:11

Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Sereńko 107:40

Uni do cetan hudạren hoṛko cetanre bemanote upʼatʼkoa,

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.

Exodus 8:5

Ona tayom Probhu Isor do Moseye metadea, “Aron do noa katham metaea, ‘Misor disạm reakʼ joto gaḍa, nala ar pukhri cetanre amakʼ ṭheṅga tultam ar disạm cetanre roṭe ạgukom.’ ”

Exodus 8:24

Probhu Isor doe onkakeda. Pharaoakʼ raj oṛakʼre ar uniren kạmiyạkoakʼ oṛakʼkore durum durum kãṛã loṭocʼko boloyena. Ar onkote goṭa Misor disạm do perecʼena.

Exodus 9:28

Am do Probhu Isor ṭhen nehõrokʼme. Huḍur ar arel do ḍherge hoyakana. Niạ dhao doń sen ocoapea. Nonḍe do ar tahen baṅ hoyokʼtapea.”

Exodus 10:17

Onate dayakate niạ dhao baṛe ikạkạńpe. Ar aperen Probhu Isor ṭhen nehõrokʼpe jemon uni do iń cetan khon gujukʼ umule ocokʼ giḍikakʼ.”

Numeri 21:7

Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.