Exodus 8:32 - সান্তালী বাইবেল

³² Menkhan niạ dhao hõ Pharao do acʼakʼ mone keṭecʼketʼtaea ar hoṛko bae sen ocoatʼkoa.

Exodus 8:32 Referans Kwoze

Exodus 8:15

Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Jesaea 63:17

E Probhu Isor, amakʼ hor bạgikate cedakʼem ạcur baṛa ocoyetʼlea? Ar alo jemonle botoram onate aleakʼ ontor dom keṭecʼetʼtalea. Amren gutiko lạgitʼ, metakʼme okoe bõsko amakʼ ạidạrire menakʼko, onko lạgitʼge ruạṛ hijukʼme baṛe.

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Exodus 8:31

Probhu Isor hõ Moseyakʼ kathae ańjomkeda. Uni do Pharao ar uniren kạmiyạko ar uniren hoṛko cetan khon loṭocʼkoe ocokʼketʼkoa. Mitʼṭen kãṛã loṭocʼhõ ar bako tahẽlena.

Exodus 9:7

Pharao do hoṛ kolkateye baḍaekeda, Israelkoren mitʼṭen gại-ḍaṅgra hõ bako gocʼakana. Enhõ Pharao do mone keṭecʼketʼtaea; ar hoṛko bae sen ocowatʼkoa.

1 Samuel 6:6

Ape do Pharao ar misriko leka apeakʼ mon do cedakʼpe keṭecʼetʼtapea? Israelkoren Isor do misriko tinre lelhae benaoletʼko unre onko do Israelkoko sen ocowatʼko tahẽkana, arko senlena.