Exodus 8:22 - সান্তালী বাইবেল

²² Menkhan enhilokʼ do Gosen disạmiń begara, ente onḍe do ińren hoṛko girobasokʼ kana. Onḍe do jãhãn kãṛa loṭocʼge bako tahena. Ar onatepe baḍae daṛeakʼa, iń Probhu Isorge noa disạmre minạńa.

Exodus 8:22 Referans Kwoze

Exodus 9:4

Menkhan Israelkoren gại ḍaṅgrako do Misorrenko khoniń begarkoa. Ar onkoren tinạkʼ gại-ḍaṅgra menakʼko onko do mitʼṭen hõ bako gujukʼa.’ ”

Malaki 3:18

Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”

Exodus 10:23

Ona pe din okoege bako ńepel ńapamlena ar oṛakʼ bạgikate okoe hõ bahrete bako oḍoklena. Menkhan Israelko okareko tahẽkan onḍe do marsalge tahẽkana.

Jeheskel 30:19

Nonkate iń do Misoriń sạjạiyea, ar unre onko doko baḍae daṛeakʼa, ińkangeạń Probhu Isor do.’ ”

Exodus 9:6

Dosar hilokʼ Probhu Isor doe onkakeda. Onate Misorren sanam gại-ḍaṅgra ar bhiḍi meromko gocʼ cabayena, menkhan Israelkoren gại-ḍaṅgrako do mitʼṭen hõ bako gocʼlena.

Sereńko 110:2

Amakʼ raj hudạ reakʼ ạidạri Probhu Isor do Sion khone sodor tama; uni doe mena, “Amren bạiriko tala khon am do rajosṭi calaome.”

Exodus 12:13

Menkhan apeakʼ oṛakʼre oka mãyãm potao akae tahen onage apeakʼ nisana do hoyokʼa. Ar ona mãyãm ńelte ape doń bad oṭokapea ariń parom calakʼa. Onate ape do Misor disạm reakʼ duk khon rukhiyạpe ńama.

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Exodus 9:26

Menkhan Israelko okareko tahẽkan ona Gosenre do arel baṅ ńurlena.

Exodus 8:10

Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 7:17

Ona iạte Probhu Isore meneda, acʼkangeae Probhu do, ar am do noa cinhạ ńeltem bujhạu daṛeakʼa.’ Unrem mena, ‘iń do ńitokʼ ińakʼ ti reakʼ ṭheṅgate nil gaḍa dakʼ iń dala ar onate gaḍa dakʼ do mãyãmokʼa.

Sereńko 74:12

Enrehõ E Isor, ạd khonge am do ińren raj kanam; amge noa dhạrtire babańcao reakʼem kạmikana.

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Exodus 8:21

Ar bam sen ocoako khan am ar amren sanam kạmiyạko ar amren hoṛko cetanre ar amakʼ oṛakʼ-duạrkore durum durum kãṛã loṭocʼ iń kolkoa. Misorrenkoakʼ oṛakʼ-duạr ar sanam jaega do kãṛã loṭocʼkote perejokʼa.

Exodus 8:23

Ar mitʼṭecʼ bekʼgarakʼ iń dohoya ińren hoṛko ar amren hoṛko talare. Ar gapage noa hahaṛawakʼ do ńelokʼa.’ ”

Exodus 19:5

Onate ińakʼ kathako dohoy ar ińakʼ bondobos lekako calakʼ enḍekhan dhạrtiren sanam jạtrenko khon onkoge ińren bises sompottiko hoyokʼa, ente dhạrtiren sanam hoṛge ińakʼ ạidạrire menakʼkoa.

Exodus 20:11

Probhu Isor do turui dinre serma ar ot ar jalapuri ar onare menakʼ jotowakʼe sirjạukeda, menkhan eae din hilokʼ doe jirạuena. Ona iạte Probhu Isor do ona dine bhoratʼa ar acʼ lạgitʼe begar dohokada.

Genesis 46:34

Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”