Exodus 8:19 - সান্তালী বাইবেল

¹⁹ Noa ńelte gonokko do Pharaoko metadea, “Noare do Isorakʼ ti menakʼa.” Menkhan enhõ Pharaoakʼ mon do keṭecʼge tahẽyena; uni do Mose ar Aronakʼ katha bae luturada. Probhu Isor okae menletʼ onkage hoyena.

Exodus 8:19 Referans Kwoze

Luk 11:20

Menkhan Isorakʼ daṛete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Sereńko 8:3

Iń do amakʼ tite benaoakʼ serma secʼiń beṅgetʼeda ar onḍem ṭarhao akatʼko ńindạ cando ar ipilkoń ńeletʼkoa.

Mathae 12:28

Menkhan Isorren Jiu hotete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Aposkạmi 4:16

Onkoko menkeda, “Nukin hoṛ do cetʼbon cekakinạ? Ente Jerusalemre okoeko tahenkan onko do jotogeko baḍaekeda je, nukin do mitʼṭecʼ hahaṛawakʼkin kạmi akada, ar ona do abo hõ babon baṅ daṛelea.

Johan 11:47

Unre maraṅ naekeko ar Phạrusiko do maraṅ bạisiren hoṛkoko jarwaketʼkoteko metatʼkoa, “Ńitokʼ do cetʼ bo cekaea? Nui hoṛ do ạḍi utạr hahaṛa kạmikoe kạmikana.

Daniel 2:19

Ado ńindạ jokhecʼ Daniel ṭhen ona baṅ baḍaeakʼ do dorson hotete sodorena. Unre Daniel do sermaren Isore gun manao joharadea.

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”

Exodus 10:7

Unre Pharaoren kạmiyạko do uniko metadea, “Noko hoṛ do ar tinạkʼ din aboakʼ jhampa lekako tahena? Onko jemon akoren Isorko sewa daṛeae onate sen ocoakome. Am do cetʼ bam bujhạu daṛeakʼ kana, Misor do dhaṅ dhaser cabakʼkana mente?”

Exodus 7:13

Menkhan Probhu Isor do unkin okae metatʼkin tahẽkan onkage hoyena. Pharaoakʼ mon do keṭecʼentaea; onate Mose ar Aronakʼ katha bae ańjomleda.

Genesis 41:24

Ar eae goṭecʼ copa copa gele do ona danawanakʼ gelekoe utʼkeda. Iń do noako katha gonokkoń lạiyatʼkoa, menkhan celege noa reakʼ mane do bako lại daṛeạdińa.”

Exodus 9:4

Menkhan Israelkoren gại ḍaṅgrako do Misorrenko khoniń begarkoa. Ar onkoren tinạkʼ gại-ḍaṅgra menakʼko onko do mitʼṭen hõ bako gujukʼa.’ ”

Exodus 9:26

Menkhan Israelko okareko tahẽkan ona Gosenre do arel baṅ ńurlena.

Exodus 10:23

Ona pe din okoege bako ńepel ńapamlena ar oṛakʼ bạgikate okoe hõ bahrete bako oḍoklena. Menkhan Israelko okareko tahẽkan onḍe do marsalge tahẽkana.

Exodus 11:7

Menkhan Israelko modren jãhãe upạrte mitʼṭen setawakʼ bhokʼ hõ baṅ ańjomokʼa, baṅ do manwa ńelte ar baṅ do janwar upạrte. Jemonpe baḍae daṛeakʼ, Probhu Isor do Misriko ar Israelko talareye bekʼgarkana mente.