Exodus 8:18 - সান্তালী বাইবেল

¹⁸ Ar gonokko hõ akoakʼ jạdu reakʼ jorte sĩkṛĩcʼ ạguko reakʼko kurumuṭukeda menkhan bako daṛeada. Ar sĩkṛĩcʼ do manwa ar janwar cetankore abokʼko ehopʼena.

Exodus 8:18 Referans Kwoze

Exodus 7:11

Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Exodus 9:11

Gonokko do Mose samaṅre ar bako teṅgo daṛeada, ente onko hõ eṭakʼ Misri hoṛko leka ojo rakapʼatʼkoa.

Daniel 5:8

Rajren sanam ạkilan hoṛ do hecʼkate bhitriteko boloyena menkhan okoege ona do bako paṛhao daṛeada se raj hõ ona reakʼ mane do bako lại daṛeadea,

Luk 10:18

Jisui metatʼkoa, “Soetan do serma khon bijli leka ńurokʼkaniń ńel akadea.

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Jesaea 19:12

Amren ạkilan hoṛ ńitokʼ do okare menakʼkoa? Misor upạrte phạdkoren Probhu Isor okae ṭhik dohoakatʼ ona do apnarteko baḍaema ar amko metam ma.

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Exodus 7:12

Onko do sanamkoge akoakʼ ṭheṅga otreko giḍikeda ar onako ṭheṅga do bińko hoyena, menkhan Aronakʼ ṭheṅga do onkoakʼ joto ṭheṅgakoe utʼketʼtakoa.

Exodus 8:7

Ar gonokko hõ akoakʼ jạdu reakʼ jorte onkageko udukʼkeda. Onko hõ Misor disạmre roṭeko ạguketʼkoa.

Exodus 10:23

Ona pe din okoege bako ńepel ńapamlena ar oṛakʼ bạgikate okoe hõ bahrete bako oḍoklena. Menkhan Israelko okareko tahẽkan onḍe do marsalge tahẽkana.