Exodus 8:15 - সান্তালী বাইবেল

¹⁵ Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

Exodus 8:15 Referans Kwoze

Jesaea 26:10

Bedhorom hoṛko daya udukʼakore hõ onko do dhorom bako ceda; hokakʼ disạmre onko do dusṭạmiko kạmiya ar Probhu Isorakʼ mạhima hõ bako aṅgoca.

Ibriko 3:15

Ente ńit hõ nonka roṛogokʼ kana, teheń uniyakʼ aṛaṅpe ańjomle khan, uniye meneda, “Aperen hapṛamko leka apeakʼ ontor do alope keṭejtapea.”

Ibriko 3:8

uniye meneda, aperen hapṛamko leka apeakʼ ontor do alope keṭejtapea. Onko do hahaṅkarre iń upạrteko teṅgolente ińko biḍạuledińa.

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Exodus 14:5

Misorren raj Pharao do tinreye lại ocoyena baṅma, Israelko doko dạṛkeda unre Pharao ar uniren kạmiyạkoakʼ mon do pheraoentakoa. Onkoko menkeda, “Noa do cetʼ bon cekakeda? Onko bidạkate aboren golam bon atʼketʼkoa.”

Exodus 4:21

Probhu Isor do Moseye metadea, “Okako hahaṛa kạmi lạgitʼ daṛeń ematʼme ona do Misor disạmte ruạṛ senkate Pharao samaṅrem onkaea. Menkhan uniyakʼ mon nonkań keṭecʼ ocoytaea onate uni do hoṛko bae sen ocoakoa.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Hosea 6:4

Probhu Isore meneda, “E Ephrayim, am do cetʼ iń cekawama? E Jihudạ, am hõ cetʼ iń cekawama? Amakʼ pạtiạr do setakʼ reakʼ kuṛhạ leka, aṅga marsalokʼ reakʼ sisir leka oka do usạrate chanokʼkan.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Exodus 8:14

Ar hoṛko do onkoko jarwaketʼkoa ar onate disạmre ạḍi bạṛicʼ so rakapʼena.

Exodus 8:16

Unre Probhu Isor do Moseye metadea, “Aron do acʼakʼ ṭheṅga tulkate ot reakʼ dhuṛire da dalem metaea. Onate ona dhuṛi khon sĩkṛĩcʼko hoyokʼa ar goṭa Misor disạmko pereja.”

Exodus 8:28

Pharaoe menkeda, “Aperen Probhu Isor sewae lạgitʼ iń do hahaṅkarteń sen ocoapea. Menkhan ḍher sạṅgiń do alope calakʼa. Ar ńit aben do iń lạgitʼ nehõrokʼ ben.”

Exodus 8:29

Moseye menkeda, “Am ṭhen khon ruạṛkatege Isor ṭhen liń nehõrokʼa jemon gapage maharaj ar uniren kạmiyạko ar uniren hoṛko cetan khon noko kãṛã loṭocʼko calao cabakʼa. Menkhan Probhu Isor ńutumte janwar dãṛẽ samaṅokʼakʼ lạgitʼ senokʼ do maharaj jemon aloe eṛele.”

Exodus 8:32

Menkhan niạ dhao hõ Pharao do acʼakʼ mone keṭecʼketʼtaea ar hoṛko bae sen ocoatʼkoa.

1 Samuel 6:6

Ape do Pharao ar misriko leka apeakʼ mon do cedakʼpe keṭecʼetʼtapea? Israelkoren Isor do misriko tinre lelhae benaoletʼko unre onko do Israelkoko sen ocowatʼko tahẽkana, arko senlena.

Kạhtukko 26:11

Seta cetʼleka acʼakʼ becʼ secʼe ạcurokʼ, onkage bebuj hoṛ do arhõ lelhatetʼe kạmiya.

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”

1 Samuel 6:9

Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”

1 Samuel 6:12

Ar unkin gại do unre leṅga ar jojomsa secʼ ghańjeṛ baṅkate bhokrao bhokraote sojhe ḍaharte Bet-semes secʼkin calao idiyena. Ar Philisṭiren disạm cakʼlaoko hõ sagaṛ tayom tayomte Bet-semes reakʼ simạna hạbicʼko calaoen.