Exodus 8:10 - সান্তালী বাইবেল

¹⁰ Pharaoe roṛ ruạṛadea, “Enḍekhan ona do gapage hoyokʼma.” Moseye menkeda, “Onkage hoyokʼa. Ar onatem bujhạu daṛeakʼa, aleren Probhu leka do ar cele Isorge bạnukʼkoa.

Exodus 8:10 Referans Kwoze

Jesaea 46:9

Sedae reakʼ kathako disạipe. Iń kangeạń Isor do, iń chaḍa eṭakʼ jãhãe ar celege bạnukʼkoa; Iń kangeạń Isor do, Iń leka do ar celege bạnuiya.

Sereńko 86:8

E Probhu Isor, debotako modre am lekan do cele hõ bạnukʼkoa; amakʼ kạmi sãote eṭakʼ jãhãn kạmi reakʼ hõ ohoge jurikokʼa.

1 Bõsbudạ 17:20

“E Probhu Isor, am leka do ar celege bạnukʼkoa ar am chaḍa jãhãn Isor hõ bạnukʼkoa; iń do ińakʼ luturtege niạ katha doń ańjomakada.

2 Samuel 7:22

E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

Dosar Biboron 33:26

Uni doe menkeda, “E Jisurun Isor leka do celege bạnukʼkoa. Amren gokʼṛoyicʼ hoyokʼ lạgitʼ uni do rimil reakʼ gạḍite, acʼakʼ mạhimawante rimilteye decʼ hijukʼkana.

Exodus 9:14

ente noa tayom am ar amren kạmiyạko ar hoṛko cetanre iń do sanam lekan duk iń kola. Ar unrem bujhạu daṛeakʼa, goṭa dhạrtire iń leka ar celege bạnukʼkoa.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Jesaea 40:25

Uni sonoticʼe meneda, “Okoe tulucʼpe juriyińa? Ar okoe iń soman doe hoyokʼa?”

Kạhtukko 27:1

Gapa din lạgitʼ do alom sarhaokʼa, ente oka hilokʼ cetʼ hoyokʼa ona do bam baḍaea.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Dosar Biboron 32:31

Bạirikoakʼ asray buru do aboakʼ asray buru leka do baṅkana, noa do aboren bạirikoakʼ bicạr phanḍaoakʼ kana.

Dosar Biboron 4:35

“Ape jemonpe baḍae daṛeakʼ, Probhu kangeae Isor do ar uni chaḍa cele Isorge bạnukʼkoa, ona iạtege noako dope ńel ocolena.

Exodus 15:11

“E Probhu Isor, Debko modre am leka do okoe menakʼkoa? Okoe menakʼkoa am leka sonot ar ṭhonokanicʼ ar sarhao sereńkore botoranicʼ do? Ar hahaṛawakʼ kạkʼmiyicʼ hõ okoeyakʼ menakʼtaea?

Exodus 9:29

Mose do uniye metadea, “Nagraha khon oḍok katege iń do Probhu Isor ṭhen ti tulkateń koejoṅa. Onate huḍur ar arel ńurokʼ hõ thirokʼa. Ar noatem bujhạu daṛeakʼa, dhạrti do Probhu Isorakʼ kangea.

Exodus 8:9

Mose do Pharaoe metadea, “Roṭeko jemon am ar amakʼ oṛakʼ-duạr bạgikate gaḍareko tahen, onate ma lạiyạńme tinre am ar amren hoṛko lạgitʼ iń nehõrokʼa. Okte do amge ṭhikạńme.”

Dosar Biboron 3:24

‘E Probhu Isor, am do maraṅ arem daṛeangea ar amren guti onam udukʼae kana. Serma ar dhạrtire okoe debota menakʼkoa, amem kạmikanakʼkoe kạmi daṛeke ar amem udukʼ akatʼ daṛekoe udukʼ daṛeke?

Dosar Biboron 4:39

“Teheń ape do niạ katha baḍaekakʼpe ar ontorre rebetʼ dohokakʼpe, Probhu Isorge coṭ sermaren ar latar otren Isor kanae, uni chaḍa ar cele Isorge bạnukʼkoa.

Jesaea 40:18

Enḍekhan okoe tulucʼ Isor dope jurikea? Ar cetʼ sãotepe jurikea?