Exodus 7:9 - সান্তালী বাইবেল

⁹ “Pharao tinre hahaṛa kạmi udukʼ lạgitʼe metabena, unre Aronem metaea, ‘Pharao samaṅre amakʼ ṭheṅgam giḍiytama,’ ar unre ona ṭheṅga do bińe hoy godokʼa.”

Exodus 7:9 Referans Kwoze

Johan 2:18

Unre Jihudi mukhiyạko do Jisuko kulikedea, “Noako kạmi reakʼ ektiạriạ je sạrige menakʼtam ona reakʼ cinhạ lekate cetʼ hahaṛa kạmim udukʼ daṛealea?”

Jesaea 7:11

“Am do amren Probhu Isor ṭhen menme jemon uni do mitʼṭecʼ cinhại udukʼam- ar ona cinhạ do patal puri khon serma hạbicʼ jãhãn ṭhạ̃iregeye udukʼam ma.”

Exodus 4:2

Unre Probhu Isor do uniye metadea, “Amakʼ tire ona do cetʼ kana?” Uniye menkeda, “Mitʼṭecʼ ṭheṅga kana.”

Johan 6:30

Unreko kulikedea, “Enḍekhan cetʼlekan hahaṛa kạmim udukʼ alete amrele pạtiạu daṛekokʼa? Ar am do cetʼkom kạmikana?

Exodus 4:17

Amakʼ noa ṭheṅga do iditoraeme ar ona hotetege onako hahaṛa kạmi dom kạmiya.”

Exodus 10:13

Unre Mose do Misor disạm cetanre acʼakʼ ṭheṅgae tulkeda; Ar Probhu Isor do ona disạm cetanre goṭa siń ar ńindạ purub reakʼ hoeye kolkeda. Ar setakʼ jokhecʼ ona purub reakʼ hoete jhake jhak pohokoe ạguketʼkoa.

Johan 10:38

Menkhan ińiń kạmikan khan iń bape pạtiạuạńre hõ ińakʼ kạmiko baṛe pạtiạuakʼpe. Onatepe baḍaea arpe bujhạu daṛeakʼa, Baba do ińre menaea ar iń do Babare minạńa.”

Mathae 12:39

Jisui metatʼkoa, “Niạ bạṛicʼ ar laṭghaṭ piṛhirenko do cinhạko khojkana, menkhan Jona nạbiyakʼ cinhạ chaḍa eṭakʼ ar cetʼ cinhạ hõ baṅ udukʼakoa.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Exodus 9:23

Unre Mose do serma secʼ acʼakʼ ṭheṅgae tulkeda. Ar Probhu Isor do huḍur ar arele kolketʼte ńurokʼ ehopʼena ar ona sãote seṅgel ńurokʼ hõ ehopʼena. Nonkage Probhu Isor do Misor disạmre arele kolkeda.

Exodus 4:20

Unre Mose do acʼren bạhu ar gidrạko gadhareye decʼketʼkote Misor disạmteye ruạṛ calaoena. Ar Isorakʼ ona ṭheṅga hõe iditorakeda.

Exodus 7:8

Probhu Isor do Mose ar Aron tạkin arhõe metatʼkinạ,

Exodus 4:3

Probhu Isore menkeda, “Ona do otre giḍiyme.” Mose do ṭheṅga otreye giḍiketʼ sãote ona do mitʼṭen bińe hoyena. Ar Mose do ona ńelteye dạṛetʼkan tahẽkana.