Exodus 7:19 - সান্তালী বাইবেল

¹⁹ Tayomte Probhu Isor do Moseye metadea, “Aron acʼakʼ ṭheṅga hataokate Misor reakʼ sanam gaḍa, nala, pukhri ar jarwa akan dakʼko cetan secʼ ti tiạrkate ạcurem metaea. Onate sanam dakʼ do mãyãmokʼa. Misor disạm reakʼ sanam jaegare mãyãm ńelokʼa; ar dhiri ar kaṭre dohoakatʼ dakʼ hõ mãyãmokʼa.”

Exodus 7:19 Referans Kwoze

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Exodus 14:26

Unre Probhu Isor do Moseye metadea, “Jalapuri cetanre amakʼ ti tiạrtam. Onate dakʼ do arhõ mitʼ ruạṛokʼte misriko cetanre, onkoakʼ rãt gạḍikore ar aswariko cetanre paṛaokʼa.”

Exodus 10:21

Inạ tayom Probhu Isor do Moseye metadea, “Serma secʼ amakʼ ti tiyạrtam. Onate tite ṭunḍuyetʼ leka disạm do ńut cabakʼa.”

Exodus 10:12

Ar Probhu Isor do Moseye metadea, “Misor disạm cetanre ti tiạrtam. Onate ṭạnḍi reakʼ sanam hạriạ̃ṛakʼko metakʼme arel khon okako rukhiyại ńamletʼ ona do pohoko hecʼkateko jom cabaea.”

Exodus 8:16

Unre Probhu Isor do Moseye metadea, “Aron do acʼakʼ ṭheṅga tulkate ot reakʼ dhuṛire da dalem metaea. Onate ona dhuṛi khon sĩkṛĩcʼko hoyokʼa ar goṭa Misor disạmko pereja.”

Exodus 9:33

Ona tayom Mose do Pharao ṭhen khone oḍok senena. Ar nagraha khon oḍok kate uni do Probhu Isor ṭhen ti tulkateye koekeda. Unre rimil saḍe ar arel ńurokʼ thirena. Ar dakʼ ńurokʼ hõ thirena.

Genesis 1:10

Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.

Exodus 4:9

Menkhan onko ona banar reakʼ okaṭakʼge bako pạtiạuakʼ se amakʼ katha bako luturakʼ enḍekhan am do Nil gaḍa khon thoṛa dakʼ rakapʼkate otrem dula. Onate dakʼ do otre mãyãm leka hoyokʼa.”

Exodus 14:16

Ar amakʼ ṭheṅga sabme ar jalapuri cetanre amakʼ ti tiạrtam ar jalapuri bar hạṭiń ocoyme. Ar onate Israelko do jalapuri talate rohoṛgeko taṛam parom daṛeakʼa.

2 Rapajko 4:29

Unre Elisae do Gehosiye metadea, “Am do paṭhe keṭejokʼme ar ińakʼ ṭheṅga hataokate ńir calakʼme. Ar jãhãe sãotem ńapam emanlen khan unim joharaea ar jãhãege ame joharam khan alom roṛ ruạṛaea. Ińakʼ ṭheṅga do gidrạwakʼ mẽtʼãhãrem dohoya.”

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?

Jesaea 19:10

Disạmren kham khunṭi doko kaca kucạkʼa ar din mujuriko do jotoge jiwire dukko ńama.