Exodus 7:17 - সান্তালী বাইবেল

¹⁷ Ona iạte Probhu Isore meneda, acʼkangeae Probhu do, ar am do noa cinhạ ńeltem bujhạu daṛeakʼa.’ Unrem mena, ‘iń do ńitokʼ ińakʼ ti reakʼ ṭheṅgate nil gaḍa dakʼ iń dala ar onate gaḍa dakʼ do mãyãmokʼa.

Exodus 7:17 Referans Kwoze

Exodus 4:9

Menkhan onko ona banar reakʼ okaṭakʼge bako pạtiạuakʼ se amakʼ katha bako luturakʼ enḍekhan am do Nil gaḍa khon thoṛa dakʼ rakapʼkate otrem dula. Onate dakʼ do otre mãyãm leka hoyokʼa.”

Exodus 7:5

Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Jeheskel 39:28

Unre onko doko baḍae daṛeakʼa, onkoren Probhu Isor doń ińkangea, ente jạt jạtrenko talare bondi dosareń kolletʼko tahẽkanre hõ onko do akoakʼ disạmteń ruạṛ ạgukoa, ar okoehõ bạń bạgi oṭoakoa.

Jeheskel 38:23

Ar nonkate iń do jạt jạtrenkoakʼ mẽtʼãhã samaṅreń sodorokʼa; ar dhorom ar sonotgeń sodora. Unre onkoko baḍae daṛeakʼa, ińkangeạń Probhu Isor do.’

Sereńko 9:16

Dhorom bicạr hotetege Probhu Isor doe baḍae ocokʼkana; bedhoromko do akoakʼ kạmitegeye jhạliyetʼkoa. (Sela)

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.

Johan sodor 8:8

Inạ tayom dosaricʼ serma goḍet do acʼakʼ siṅgại oroṅkeda. Unre mitʼṭecʼ jolokʼkan maraṅ buru leka mitʼṭecʼ jinis do jalapurire khadle ocoyena. Onate jalapuri reakʼ pe hạṭiń reakʼ mitʼ hạṭiń dakʼ do mãyãm cabayena,

Daniel 5:23

Menkhan ona bodolte amge sermaren Probhu Isor upạrtem teṅgon akana. Am do uniyakʼ oṛakʼ khon ạguwakʼ bạṭikom oḍok ạgu ocoakada, ar onakore am ar amren mukhiyạko, amren bạhuko ar chuṭki erako ape do darkha rasape ńũ akada. Ar am do sonaren, rupạren, pitạlren, mẽṛhẽtʼren, kaṭren ar dhiriren benao akatʼko debotako okoe do ńeńelhõ bako ńeńel ar ańjom hõ bako ańjom ar bujhạu hõ bako bujhạu onkom sarhaoetʼkoa. Menkhan Isor do bam sarhaoede kana, one uniyakʼ tire amakʼ jiwi ar amakʼ goṭa horge menakʼtam.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Jeheskel 32:15

Tinre iń do Misoriń marao giḍiyea ar disạm tala reakʼ jotowakʼ iń ujạṛa ar onḍe tahenkan sanamkoń gocʼkoa unreko baḍae daṛeakʼa, ińkangeạń Probhu Isor do.

Jeheskel 30:19

Nonkate iń do Misoriń sạjạiyea, ar unre onko doko baḍae daṛeakʼa, ińkangeạń Probhu Isor do.’ ”

Jeheskel 30:8

Misorre iń do tinre seṅgeliń jolla ar onaren sanam gokʼṛokoko rạpudokʼa unre onkoko baḍae daṛeakʼa, ińkangeạń Probhu Isor do.

Jeheskel 29:9

Misor do mitʼṭecʼ ujạṛakʼ ṭhạ̃ige hoyokʼa. Unre hoṛko baḍae daṛeakʼa, ińkangeạń Probhu Isor do. “Am dom menetʼkana, nil gaḍa do amakʼ kana ar amge ona dom benao akada.

Sereńko 105:29

Onkoakʼ dakʼko do mãyãme hoyocoketʼtakoa, onate sanam hakoko gocʼena.

Sereńko 83:18

Jemonko baḍae daṛeakʼ, amakʼ ńutum do Probhu kana mente, hẽ, eken am kangeam goṭa dhạrtiren maraṅ Isor do.

Sereńko 78:44

Onkoakʼ sanam gaḍa reakʼ dakʼe mãyãm ocoletʼtakoa. Ar ona dakʼ do bako ńu daṛeada.

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 7:20

Mose ar Aron do Probhu Isorakʼ hukum leka jotowakʼ kin kạmikeda. Pharao ar uniren kạmiyạko samaṅre Aron do acʼakʼ ṭheṅgae tulketʼte nil gaḍa reakʼ dakʼe dalkeda. Ar gaḍa dakʼ do mãyãm hoyena.

Jeheskel 25:17

Iń do raṅgao reakʼ ḍanṭaore maraṅ hala hạli onko upạrteń purạua. Ar tinre onko cetanreń hala hạliya unreko baḍae daṛeakʼa, iń kangeạń Probhu Isor do.’ ”

Jeheskel 32:6

Buru-ḍuṅgri hạbicʼ iń do amakʼ mãyãmte disạmiń lohoda; ar amakʼ mãyãmte ạtukʼ dakʼ do aragokʼa.