Exodus 7:14 - সান্তালী বাইবেল

¹⁴ Unre Probhu Isor do Moseye metadea, “Pharaoakʼ mon do keṭecʼ akantaea, onate hoṛko bae sen ocoakokana.

Exodus 7:14 Referans Kwoze

Exodus 10:27

Menkhan Probhu Isor do Pharao rajakʼ mone keṭecʼketʼtaea ar onko sen ocoako bae rebenlena.

Exodus 10:20

Menkhan Probhu Isor do Pharaoakʼ mone keṭecʼ ocoketʼtaea; uni do Israelko bae sen ocowatʼkoa.

Exodus 10:1

Ona tayom Probhu Isor do Moseye metadea, “Am do Pharao ṭhen calakʼme. Iń do Pharao ar uniren kạmiyạkoakʼ moniń keṭecʼ akatʼtakoa jemon ińakʼ ektiạri reakʼ cinhạko ńel daṛeakʼ, ar amhõ jemon amren hoponko ar goṛom gidrạko ṭhenem lại daṛeakʼ cetʼleka Misri hoṛko lelhań benaoletʼkoa ar ińakʼ cinhạkoń udukʼatʼko tahẽkana. Onate apepe bujhạu daṛeakʼa, iń kangeạń Probhu Isor do.”

Exodus 8:15

Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Sakariạ 7:12

Onko do dhiri leka monko keṭecʼketʼtakoa ar ạn-ạri do bako bataoleda. Iń phạdkoren Probhu Isorge ińren Jiu hotete lahaten nạbiko hotete okaṭakʼ kathań kolletʼ ona hõ bako luturada. Ar onatege ińakʼ maraṅ edre do jol rakapʼlentińạ.

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jesaea 1:20

menkhan tabe akae bape aṅgoc arpe hul enḍekhan khạṭige tarwaṛetepe marao ocokʼa.” Probhu Isor do acʼge niạ kathae roṛeda.

Exodus 10:4

Ińren hoṛko bam sen ocoako khan enḍekhan gapage amakʼ disạmre pohokoń kolkoa.

Exodus 9:2

Menkhan am do bam sen ocoakokana onkom sapʼ dohoyetʼkoa,

Exodus 8:2

Ar onko bam sen ocoako khan iń do goṭa disạm cetanre roṭekoń kolkoa.

Exodus 4:23

Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”

Exodus 7:13

Menkhan Probhu Isor do unkin okae metatʼkin tahẽkan onkage hoyena. Pharaoakʼ mon do keṭecʼentaea; onate Mose ar Aronakʼ katha bae ańjomleda.

Exodus 7:15

Gapa setakʼ tinre Pharao do gaḍa ghaṭteye calakʼa, unre am do uni tulucʼ ńapamokʼ lạgitʼ nil gaḍa aṛerem teṅgo hataṛkokʼa. Ar okaṭakʼ ṭheṅga biń hoylen ona hõm sapʼ toraea.

Exodus 9:7

Pharao do hoṛ kolkateye baḍaekeda, Israelkoren mitʼṭen gại-ḍaṅgra hõ bako gocʼakana. Enhõ Pharao do mone keṭecʼketʼtaea; ar hoṛko bae sen ocowatʼkoa.

Exodus 3:19

Ińiń baḍaea kajak tiye aṭkarlere hõ Misorren raj do ape bae aṛakʼpea.

Exodus 8:11

Roṭe do am ar amakʼ oṛakʼ-duạr, amren kạmiyạko ar amren hoṛko ṭhen khonko oḍok calakʼa. Ar eken gaḍa dakʼregeko tahena.”

Exodus 9:34

Menkhan Pharao ar uniren kạmiyạko do tinre, huḍur, dakʼ ar arel ńurokʼ thirena unre onko do arhõko kạikeda. Onko do arhõ monko keṭecʼketʼtakoa.

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

1 Samuel 6:6

Ape do Pharao ar misriko leka apeakʼ mon do cedakʼpe keṭecʼetʼtapea? Israelkoren Isor do misriko tinre lelhae benaoletʼko unre onko do Israelkoko sen ocowatʼko tahẽkana, arko senlena.