Exodus 7:11 - সান্তালী বাইবেল

¹¹ Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Exodus 7:11 Referans Kwoze

Exodus 7:22

Unre Misorren gonokko hõ akoakʼ jạdukote ona lekageko udukʼkeda. Onate Pharaoakʼ mon do arhõ keṭecʼentaea. Ar Probhu Isor okae menletʼ onkage hoyena; Mose ar Aronakʼ katha Pharao do bae ańjomleda,

2Timothi 3:8

Cetʼleka Jannes ar Jambres do Mose upạrtekin teṅgolen onkage noko hoṛko hõ ona sạriyakʼ upạrteko teṅgon kana. Nokoakʼ mon do bạricʼgetakoa ar Mạsiyakʼ dhorom biswạs reakʼ jãhãn cinhạge onkore do baṅ ńamokʼ kana.

Exodus 8:18

Ar gonokko hõ akoakʼ jạdu reakʼ jorte sĩkṛĩcʼ ạguko reakʼko kurumuṭukeda menkhan bako daṛeada. Ar sĩkṛĩcʼ do manwa ar janwar cetankore abokʼko ehopʼena.

Exodus 8:7

Ar gonokko hõ akoakʼ jạdu reakʼ jorte onkageko udukʼkeda. Onko hõ Misor disạmre roṭeko ạguketʼkoa.

2 Thessalonikiko 2:9

Ar nonosṭoren hopone hijukʼre uni soṅgete Soetan reakʼ daṛe hõ tahena. Ona daṛe do joto lekan eṛe cinhạ ar hahaṛa ar daṛe kạmi hotete sodorokʼa.

Daniel 2:2

Ar acʼakʼ kukmũ reakʼ bhed baḍaejoṅ lạgitʼte uni do gonokko, gunidarko, muhnidarko ar kạldikoe hoho ạgu ocoketʼkoa. Arko hecʼen khan onko do raj samaṅreko teṅgoyena.

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Daniel 5:7

Unre raj do ãṭ aṛaṅte hohoate gonokko, gunidarko, kạldiko ạguko lạgitʼe hukumkeda. Uni do Babelren ạkilankoe metatʼkoa, “Jãhãege noa olakʼ paṛhaokate ona reakʼ bhede lại daṛeạń enḍekhan uni do beguni kicricʼ ar hoṭokʼre sona reakʼ mala hõe emocokʼa ar rajosṭiren pea rajko modre uni hõ mitʼṭecʼ hudại emocokʼa.”

Galathiko lạgitʼ Pạul Apostolakʼ ciṭhi 3:1

E bebuj Galatiko, okoeye muhniketʼpea? Ape ma coṅ pusṭạutegeń porcaratʼpe tahẽkan, Jisu Mạsi doe kurus ocolena mente.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 2:27

Daniel do uniye metadea, “Maharaj oka bin baḍaeakʼ reaṅem kulikan ona do gonokko, muhnidarko ar Kaldiko celege bako lại daṛeakʼa;

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

2Timothi 3:9

Menkhan onko do ar bako laha daṛeakʼa, ente Jannes ar Jambresakʼ lelhatetʼ cetʼleka sanamko ṭhen pusṭạute sodorlen onkage onkoakʼ lelhatetʼ hõ sanamko ṭhen sodorokʼa.

Exodus 7:12

Onko do sanamkoge akoakʼ ṭheṅga otreko giḍikeda ar onako ṭheṅga do bińko hoyena, menkhan Aronakʼ ṭheṅga do onkoakʼ joto ṭheṅgakoe utʼketʼtakoa.

1 Samuel 6:2

Tayomte Philisṭiren disạm cakʼlaoko do naekeko ar gonokko hohoatʼkote onko ṭhenko kuliyana, “Probhu Isorakʼ sinduk do bon cekaea? Ado ma lạiyalepe, ona do oka lekate acʼakʼ jaegarele kol ruạṛkakʼa?”

Daniel 4:6

Ona iạte ińakʼ kukmũ reakʼ bhed bhaṅgao lạgitʼ iń do Babelren sanam ạkilanko iń samaṅre ạguko lạgitʼ iń hukumkeda.

Exodus 8:3

Nil gaḍa do roṭekote perejokʼa, ar onko do gaḍa khonko rakapʼ hijukʼte amakʼ oṛakʼ duạrkore, giticʼ oṛakʼkore, amakʼ aṭetʼkore, amren kạmiyạkoakʼ oṛakʼkore, amren hoṛkoakʼ oṛakʼkore, amakʼ culhạre ar amakʼ holoṅ sipiyakʼ gamlareko don bolokʼa.