Exodus 6:7 - সান্তালী বাইবেল

⁷ Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Exodus 6:7 Referans Kwoze

Dosar Biboron 29:13

Probhu Isor do teheń onae dohoakada jemon aperen hapṛam Abraham, Isạhak ar Jakob ṭhen gokʼakʼ ar ape ṭhene kiriạlen lekate aperen Isore hoedaṛeakʼ ar teheń do acʼren hoṛe hoe ocopea.

Dosar Biboron 7:6

Ente ape do nonkan mitʼṭen jạtrenko kanape aperen Isor ńutumtepe begar doho ocoakana. Ape do jemon Probhu Isorren hoṛ ar uniren sompottipe hoyokʼtae onate dhạrtiren sanam jạtrenko tala khone bachao akatʼpea.

Dosar Biboron 4:20

Disạipe, Probhu Isor do apeye bachao akatʼpea ar mẽṛhẽtʼ reakʼ seṅgel bhaṭa metakʼme Misor khone oḍok ạguakatʼpea jemon uniren hoṛpe hoyokʼ ar ape do ńitokʼ onagepe hoyakana.

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.

Dosar Biboron 26:18

Probhu Isor hõ teheńgeye lại sodoretʼkana, acʼakʼ gokʼakʼ lekate ape do uniren kanape. Onate uniyakʼ hukum leka senokʼ hoyokʼtapea.

Dosar Biboron 14:2

Ape do Probhu Isor ńutumte mitʼṭen begar akan jạtrenko kanape. Dhạrtiren sanam jạtrenko mod khon Probhu Isor do apegeye bachao akatʼpea jemon uniren ạidạri porjakope hoyokʼ.

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jesaea 41:20

jemon ona ńelte hoṛko baḍae arko bujhạu daṛeakʼ, noa do Probhu Isorakʼ tigeye kạmi akada, Israelren uni sonoticʼge niạkoe nonka akada.”

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Exodus 16:12

“Israelko iń upạrte okako kathako roṛakatʼ ona doń ańjom akada. Onko do noa katha lạiyakome, ạyupʼ jokhecʼ onko do jelko joma ar setakʼ do lacʼ bikʼ piṭhạko joma. Ar nonkateko baḍae daṛeakʼa, onkoren Probhu Isor doń ińkangea mente.”

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Exodus 2:11

Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana.

Exodus 16:6

Unre Mose ar Aron do sanam Israelkin metatʼkoa, “Probhu Isor upạrte okako kathape menakatʼ uni do onae ańjomakatʼte teheń ạyupʼgepe baḍae daṛeakʼa, Probhu Isorge Misor disạm khone oḍok ạguakatʼpea ar uniyakʼ ṭhonok do gapa setakʼ khangepe ńela. Ar ạliń doliń celekante, ạliń upạrte nunạkʼ kathape roṛeda?”

Levitikus 11:44

Iń do aperen Probhu Isor kạnạń. Onate ape do iń ńutumte begar akae tahenpe ar sonotko hoyokʼpe, ente iń doń sonotgea. Ot cetanre ạcur baṛae kạṭicʼ jãhãn janwarte hõ alope besapha ocokʼa,

Levitikus 11:45

ente iń kangeạń Probhu Isor do; ar aperen Isor hoyokʼ lạgitʼ iạte iń do Misor disạm khoniń oḍok ạgu akatʼpea. Ar ińiń sonotgete apehõ sonotko hoyokʼpe.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Jesaea 63:8

Uni doe men akada, “Khạṭige onko do ińren hoṛ kanako, ar nonkan hopon kanako onko do tishõ bako bepạtiạu ocokʼa,” Ar ona iạtege onkoren babańcaoicʼe hoyena.

Jirimiạ 30:22

Onatege ape do ińren hoṛpe hoyokʼa ar iń do aperen Isoriń hoyokʼa.”

Jeheskel 20:19

Iń do arhõń metatʼkoa, iń kangeạń onkoren Probhu Isor do, onate jemon ińakʼ niạmko pańjae ar ińakʼ ạn-ạri lekako taṛam.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Exodus 7:17

Ona iạte Probhu Isore meneda, acʼkangeae Probhu do, ar am do noa cinhạ ńeltem bujhạu daṛeakʼa.’ Unrem mena, ‘iń do ńitokʼ ińakʼ ti reakʼ ṭheṅgate nil gaḍa dakʼ iń dala ar onate gaḍa dakʼ do mãyãmokʼa.

Exodus 13:3

Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.

Exodus 13:14

“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.

Exodus 14:4

Ar iń do Pharaoakʼ moniń keṭecʼ ocoytaea ar uni do onkoe khudạu idikoa. Menkhan Pharao ar uniren lạṛhại phạdkoge ińakʼ ṭhonok sodorokʼren hoṛko hoyokʼa. Ar noa iạte Misorrenko baḍae daṛeakʼa, iń kangeạń Probhu Isor do.” Ar Israelko do Probhu Isorakʼ katha lekako kạmikeda.

Exodus 14:18

Ona ńelte misriko doko bujhạu daṛeakʼa, iń kangeạń Probhu Isor do.”

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Numeri 15:41

Iń doń aperen Probhu Isor kana. Ar aperen Isor hoyokʼ lạgitʼge Misor disạm khoniń oḍok ạguakatʼpea. Ar ińkangeạń aperen Probhu Isor do.”

Dosar Biboron 29:5

Pongel bochor hạbicʼ Probhu Isorge ape do hahaṅkar talateye idiletʼpea. Onako dinre apeakʼ hoṛmo reakʼ kicricʼ hõ baṅ lamjakʼlena ar panahe hõ baṅ heṛlentapea.

Dosar Biboron 29:12

Aperen Probhu Isor teheń ape lạgitʼ oka khạṭiteakʼ gokʼakʼ ar bondobose dohoakatʼ ona gokʼakʼ ar bondobos manao lạgitʼge nonḍe hecʼkatepe teṅgo akana.

1 Rapajko 8:60

Nonkate dhạrtiren sanam jạtrenko baḍae daṛeakʼa, Probhugeye Isor kana mente ar uni chaḍa eṭakʼ cele Isorge bạnukʼkoa.

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Nehemiạ 1:10

“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.

Sereńko 100:3

Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.