Biblia Todo Logo
Bib sou entènèt

- Piblisite -




Exodus 6:6 - সান্তালী বাইবেল

6 Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Gade chapit la Kopi




Exodus 6:6
46 Referans Kwoze  

Onate acʼakʼ keṭecʼ ti ar tiạrakatʼ sopote ar maraṅ botoranakʼ kạmite, cinhạkote ar hahaṛa kạmikoe udukʼatʼbonte Misor disạm khone oḍok ạguketʼbona.


Amren Israel jạtrenko leka dhạrtire do ar jãhãn jạtrenkoge bạnukʼkoa, one okoe do amren hoṛko hoyokʼ lạgitʼem chaḍao akatʼko. Am do Misor disạm khon eṭakʼ jạtrenkom sạṅgiń akatʼkoa. Amakʼ ṭhonok sodorokʼ lạgitʼ maraṅ ar botoranakʼ kạmikote am do onam onka akada.


Uni doe onka akada apere uniyakʼ dulạṛ iạte ar aperen hapṛamko ṭhene kiriạlen iạte. Ar onate uni do acʼakʼ daṛeanakʼ titeye oḍok ạguakatʼpea ar Misorren Pharao rajakʼ ti khon ar golam oṛakʼ khone chaḍao akatʼpea.


“Noko do amren guti ar amren hoṛ kangeako, amge amakʼ maraṅ daṛete ar daṛeanakʼ titem chaḍao ạguakatʼkoa.


Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.


Disạipe, Misor disạmre ape hõ golampe tahẽkana ar aperen Probhu Isor doe chaḍao akatʼpea. Ona iạte iń do noako hukumiń emapekana.


Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.


Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’


Menkhan Probhu Isor, okoe do daṛeanakʼ tite Misor disạm khone oḍok ạguletʼpe unige sewawaepe, ar unige ḍobokʼaepe ar uni ńutumte joto samaṅokʼakʼko samaṅpe.


Aperen Isor ape lạgitʼ okae bondobos akatʼ, ona reakʼ sontorokʼpe, ona do alope hiṛińa. Ar aperen Probhu Isore mana akatʼ jãhãn muṭhạnko alope benaojoṅa,


Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.


Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”


Isor do Mose arhõe metadea, “Iń doń Probhu Isor kana.


Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.


Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.


Israel jạtren Isor do aboren hapṛamkoe bachaoletʼkoa ar Misor disạmreko tahẽkanre uni doe usul ocoletʼkoa. Ar daṛeanakʼ tite ona disạm khone oḍok ạguketʼkoa ar pongel bochor hạbicʼ hahaṅkarre onkoakʼ bạṛicʼ colonkoe sahaoketʼtakoa.


Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.


Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana.


Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.


Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.


Unre Mose do hoṛkoe metatʼkoa, “Noa din reakʼ katha disại iạte noa dinpe manaoa, ente ape do niạ dinrege Misor reakʼ golam khonpe oḍok hecʼakana. Probhu Isorge acʼakʼ daṛeye udukʼketʼte ona disạm khone oḍok ạguakatʼpea. Niạ dinre khạmi mesalakatʼ cetʼge alope joma.


“Ar jãhãtis aperen hoponko noa reakʼ manetetʼko kulilepere onkope lạiyakoa, ‘Probhu Isor do Misor reakʼ golam khon acʼakʼ daṛeteye oḍok ạguakatʼlea.


Unre Mose ar Aron do sanam Israelkin metatʼkoa, “Probhu Isor upạrte okako kathape menakatʼ uni do onae ańjomakatʼte teheń ạyupʼgepe baḍae daṛeakʼa, Probhu Isorge Misor disạm khone oḍok ạguakatʼpea ar uniyakʼ ṭhonok do gapa setakʼ khangepe ńela. Ar ạliń doliń celekante, ạliń upạrte nunạkʼ kathape roṛeda?”


Isor do acʼren hoṛ Israelko ar Mose lạgitʼ okae ceka akatʼ ona jotowakʼge Moseren hońhartetʼ Midionren naeke Jethrowakʼ luturre senakan tahẽkana. Ar Mose okalekate Misor disạm khon Israelkoe oḍok ạguketʼko ona hõe ańjomkeda.


Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.


Disạime, amhõ Misor disạmre guti se kạ̃ṛmĩm tahẽkana ar amren Probhu Isor do acʼakʼ daṛeanakʼ tite onḍe khone oḍok ạgu akatʼmea. Ona iạte uni do jirạukʼ mãhã manao reakʼ hukume em akatʼmea.


Ińge ape upạrteń lạṛhạiya ińiń tiyạr akatʼ ti ar keṭecʼ sopote, edre raṅgao ar maraṅ kurkurạukʼtege.


Am do cinhạ ar hahaṛawakʼ kạmikom udukʼ akada ar daṛe ar ektiạri perecʼ ti tiạrkate botoranakʼkote amren hoṛ Israelko onḍe khonem oḍok ạguletʼkoa.


Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.


Ińakʼ daṛeń udugte tinre Misor khon Israelkoń oḍok ạgukoa unre Misorrenko bujhạu daṛeakʼa, Iń kangeạń Probhu Isor do.”


Noa do nonkan mitʼṭecʼ cinhạ hoyokʼa oka do ti ar moloṅ reakʼ cinhạ lekae disạ ocomea, Probhu Isor do acʼakʼ daṛete Misor disạm khone oḍok ạguketʼbona.’ ”


Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?


Aperen Probhu Isor do botoranakʼ biḍạu hotete, hahaṛa kạmi ar cinhạko hotete ar acʼakʼ daṛeanakʼ tite apeye oḍok ạguketʼpe ona do apeakʼ mẽtʼtegepe ńelakada. Ar ńitokʼ okoe jạtrenko ńeltepe botorokʼkan onko cetanrehõ unigeye onkaea.


Menkhan noko do amren hoṛkangeako, amakʼ sompottige okoe do amakʼ daṛeanakʼ ti tiạrkatem oḍok ạguakatʼko.’


Teheń disạ dohokakʼpe, noako katha do ape ṭhengeń meneda, aperen hoponko ṭhen do baṅa, ente onko do aperen Isorakʼ benao rakapʼakʼ reakʼ do bako baḍaea ar ńelhõ bako ńelakada. Onko do uniyakʼ ṭhonok ar uniyakʼ daṛeanakʼ tiạrakatʼ ti hõ bako ńel akatʼtaea.


E Isor, jalapuri reakʼ dakʼ do amko ńeletʼmea; am ńelte dakʼko do botorena, ar ona athantar dakʼ do daldalaoena.


Muhinrem paṛaoente ińem hohoạdińa ar iń doń bańcaoketʼmea; ar huḍur saḍe reakʼ danaṅ khoniń roṛ ruạṛatʼmea; ar Meriba reakʼ dakʼ ṭheniń biḍạuketʼmea. (Sela)


Menkhan ińren hoṛko do bako luturatʼtińạ; Israel do iń tabere tahen bae rebenlena.


‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.


Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.


Swiv nou:

Piblisite


Piblisite