Exodus 6:4 - সান্তালী বাইবেল

⁴ Iń do onko lạgitʼ ińakʼ bondobosiń doholeda. Ona bondobosreń menleda, onko do bidisiạ lekate okareko tahẽkan ona disạmgeń emakoa.

Exodus 6:4 Referans Kwoze

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Aposkạmi 7:5

Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Sereńko 105:12

Onko do thoṛako tahẽkanre, hẽ ạḍi thoṛako tahẽkana, ar onḍe do porjạtrenko lekako tahẽkana,

2 Samuel 23:5

Isor ṭhen ińakʼ bõs do cetʼ onka do baṅkana? Iń iạte uni do mitʼṭecʼ jaejugakʼ bondobose dohoakada. Ona bondobos reakʼ sanamakʼko ṭhik leka sajao are khạṭi dohoakada. Ińakʼ bańcao doe jo baha ocoya, ar ińakʼ monsubạ doe puruntińạ.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 23:4

“Iń do eṭakʼ disạm khon upriạ lekate apeko talareń girobasokʼ kana. Ona iạte dayakate topa ṭạnḍi benao lạgitʼ ape talare thoṛa jaega aṛakʼ ạńpe jemon ińren bạhuń topa daṛeae.”

Genesis 17:13

Iń do arhõń meneda, okoe guti amakʼ oṛakʼreye janamakana se okoe do ṭaka poesateye kiriń akan, onko hõ sanamgeko khatna ocokʼa. Ar noage hoyokʼa apeakʼ hoṛmore ińakʼ jaejug reakʼ bondobos do.

Genesis 17:4

Uniye menkeda, “Am lạgitʼ ińakʼ noa bondobosre cekae reakʼ do noage: Am do ạḍi utạr jạtkoren apatem hoyokʼa.

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 6:18

“Menkhan iń do am lạgitʼ mitʼṭecʼ bondobosiń dohoya. Am do jahajtem bolokʼa ar am sãote amren hoponko ar amren bạhu ar kiminmetako hõko tahena.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Numeri 10:29

Inạ tayom Mose do acʼren hońhartetʼ Reuelren hopon Hobabe metadea, “Probhu Isor okaṭakʼ disạm emale lạgitʼe gokʼ akawatʼle ale do ona disạm secʼle mohnḍakʼkana. Onate abenhõ ale sãote dela hijukʼ ben. Ale do abenle bhạlại bena, ente Probhu Isor do Israelrenkoe bhạlạikoa menteye gokʼakada.”

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Exodus 13:4

Ape do Abib cando reakʼ noa dinregepe oḍok hecʼakana.

Exodus 13:5

Probhu Isor do tinre Kananrenko, Hittirenko, Amorirenko, Hibiyạrenko ar Jebusirenkoakʼ disạmteye idipea unre ape do noa candorege bochor reakʼ porobpe porobokʼa. Noa kangea ona disạm do one okaṭakʼ Probhu Isor do ape emapea mente aperen hapṛamko ṭhene gokʼletʼ. Onḍe do toa, dumur rasa ar cetʼ jãhãnakʼ reakʼ okulạnge bạnukʼa.

Sereńko 105:11

Uniye metade tahẽkana, “Iń do Kanan disạmiń emama. Ar onage amakʼ bakhra reakʼ sompotti do hoyokʼa.”