Exodus 6:26 - সান্তালী বাইবেল

²⁶ Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.

Exodus 6:26 Referans Kwoze

Exodus 12:51

Ar Probhu Isor do ona dinge lạṛhại phạdko leka Misor disạm khon Israelkoe oḍok ạguketʼkoa.

Exodus 12:17

Bin khạmiyanakʼ piṭhạ porob do jaejug reakʼ niạm lekate piṛhike piṛhipe porobokʼa, ente niạ dinge ape do lạṛhại phạdko leka Misor disạm khoniń oḍok ạgupea.

Exodus 6:13

Unre Probhu Isor do Mose ar Arone metatʼkinạ, “Aben do Pharao raj ar Israelko baḍae ocoko ben, Probhu Isor do abene hukum akatʼ bena jemon Israelko Misor disạm khon ben oḍok idiko.”

Numeri 33:1

Mose ar Aronakʼ ạyurte Israelko do palṭonko leka Misor disạm khon oḍok tayom judạ judạ jaegare ḍera ḍerateko calakʼkan tahẽkana.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Sereńko 99:6

Mose ar Aron hõ uniren naekeko modren kin tahẽkana; okoe uni ṭhenko koejoṅkan tahẽkan onko modre Samuel hõe tahẽkana. Mose, Aron ar Samuel do Probhu Isorko hohowae kan tahẽkana ar uni do onkoe roṛ ruạṛako kan tahẽkana.

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

1 Bõsbudạ 6:3

Omramren hoponko doko hoyokʼkana Haron, Mose ar Mạriạm. Haronren hopon doko hoyokʼkana Nadam, Abihu, Eliaser ar Ethamar.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

1 Samuel 12:6

Samuel do hoṛko arhõe metatʼkoa, “Hẽ, Probhu Isorge goha do, one okoe do Mose ar Arone bahalletʼkin ar aperen hapṛamko Misor disạm khon kin oḍok ạguletʼko tahẽkan.

Josuạ 24:5

“Ona tayom iń do Mose ar Aron iń kolketʼkinạ. Ar iń do kạmi hotete Misorrenkoń hạnketʼkoa, ar ona tayom do apeń oḍok ạguketʼpea.

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Exodus 32:7

Onate Probhu Isor do Moseye metadea, “Am do latarte pheḍ calakʼme. Amren hoṛko okoe do Misor disạm khonem oḍok ạguakatʼko onko doko kharap caba akana.

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 13:18

Onate Isor do hahaṅkar talate arakʼ jalapuri secʼe ạyur idiketʼkoa. Ar Israelko do lạṛhại phạd leka Misor disạm khonko oḍok hecʼena.

Exodus 6:20

Amramren hopon dokin hoyokʼ kana Aron ar Mose. Amram do acʼ babaren miserat Jokebete baplaledea ar uniren do noko hoponko hoylena. Amram do mitʼsae pegel eae bochor jiwetʼe tahẽkana.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Genesis 2:1

Isor do ot ar sermare menakʼ sanamakʼe benao sạtkeda.

Exodus 12:41

Ar pon sae pegel bochor mucạtʼen hilokʼge Probhu Isor do sanam hoṛko lạṛhại phạdko leka Misor disạm khone oḍok ạguketʼkoa.