Exodus 6:2 - সান্তালী বাইবেল

² Isor do Mose arhõe metadea, “Iń doń Probhu Isor kana.

Exodus 6:2 Referans Kwoze

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Jesaea 42:8

“Iń kangeạń Probhu Isor do, ińakʼ ńutum do niạ kangea. Ińakʼ man ar sabasi do eṭakʼ boṅga murhutʼko bạń em ocoakokana.

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

Jesaea 43:15

Iń kangeạń Probhu Isor do, aperen uni sonoticʼ; ińge Israelren sisirjạuicʼ ar aperen raj do.”

Jesaea 43:11

Ińge Probhu Isor do, iń chaḍa ar cele babańcaoko hõ bạnukʼkoa.

Exodus 20:2

“E Israelko, ińge amren Probhu Isor do. Misor disạm khon golam oṛakʼ khon ińgeń oḍok ạguakatʼmea.

Exodus 17:1

Ado Probhu Isorakʼ hukumleka Israelko do Sin hahaṅkar ṭoṭha khonko uṭhạuente mitʼ jaega khon armitʼ jaegate calakʼ calakʼte mucạtʼre Rephidimreko ḍerayena. Menkhan onḍe do ńũi reakʼ dakʼ baṅ tahẽkana.

Exodus 14:18

Ona ńelte misriko doko bujhạu daṛeakʼa, iń kangeạń Probhu Isor do.”

Exodus 6:8

Okaṭakʼ disạm do Abraham, Isahak ar Jakob ṭhen emokʼ lạgitʼ iń gokʼletʼ ona disạmtegeń idipea ar ona disạm reakʼ ạidạriń emapea. Ar ińkangeạń Probhu Isor do.’ ”

Exodus 6:6

Onate Israelkom lạiyakoa, Probhu Isore meneda, ‘Iń doń Probhu Isor kana. Misorrenkoakʼ bojhatepe ten akan khoniń oḍok ạgupea. Ar golam reakʼ ti khoniń bańcaopea. Ti tiạrkate onko do bebạṛicʼ iń sạjạikoa ariń chaḍaopea.

Genesis 15:7

Probhu Isor do Abrame metadea, “Iń kangeạń Probhu Isor do. Noa disạmem ạidạrijoṅ lạgitʼ ińge Kạldikoakʼ Ur nagraha khoniń oḍok ạguakatʼmea.”

Exodus 3:14

Isor do Moseye metadea, “Menayicʼ doń iń kangea ‘Iń kangeạń uni do. Am do Israelkom metakoa, ‘Iń kangeạń’ ar ińge onko ṭheniń kol akatʼmea.

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Exodus 12:12

Iń do ona ńindạge Misor disạm talateń parom calakʼa ar manwakoren pạhil hoponko ar janwarkoren pạhil hoponkoń gocʼkoa. Iń do Misorren sanam deb-debotakoń sạjạikoa; ar ińkangeạń Probhu Isor do.

Exodus 15:3

Uniyakʼ ńutum do Probhu Isorge, uni doe lạṛhại bir kana.

Jeheskel 20:5

Onkom metakoa, Probhu Isore meneda, ‘oka hilokʼ Israeliń bachaolede enhilokʼ Jakob bõsren hoṛko ṭheniń kiriạlena ar Misorre onko ṭheniń sodorlena. Iń do kiriạkate onkoń metatʼko tahẽkana, ińkangeạń onkoren Probhu Isor do.