Exodus 6:17 - সান্তালী বাইবেল

^17-19 Lewi gusṭiren eṭakʼ eṭakʼ bõs reakʼ tạlika lekate nokoge bõskoren mathako tahẽkana; Gersonren hopon do Libni ar Simai, Kohatren hopon doko hoyokʼ kana Amram, Jishar, Hebron ar Usiel; Merariren hopon do Mahli ar Musi. Kohat do mitʼsae pe gel pe bochor jiwetʼe tahẽkana. Noko jotoge Lewi gusṭiren apatko tahẽkana.

Exodus 6:17 Referans Kwoze

1 Bõsbudạ 6:17

Gersonren hoponkinakʼ ńutum do Libni ar Simiyi.

Numeri 3:18

Kohatren hopon Libni ar Simai do barea gusṭiren apatkin tahẽkana.

1 Bõsbudạ 23:7

Gersonakʼ bõsrenko modre do Ladon ar Simiyikin tahẽkana.

Genesis 46:11

Lewiren hoponko do Gerson, Kohat ar Merari.

1 Bõsbudạ 6:29

Morariren mitʼṭen hoponakʼ ńutum do Moholi, Moholiren hoponakʼ ńutum do Libni, Libniren hoponakʼ ńutum do Simiyi, Simiyiren hopon Us,

Josuạ 21:6

Gulibãṭkate Isakar gusṭirenkoakʼ jaega khon, Aser ar Napthali gusṭirenkoakʼ jaega khon ar Bason disạmren Manase gusṭiren adha gusṭirenkoakʼ jaega khon Gerson bõsren hoṛko do gelpe goṭecʼ ato ar nagrahako ńamkeda.