Exodus 6:14 - সান্তালী বাইবেল

¹⁴ Noko doko tahẽkana Ruben, Simeon ar Lewi bõsren mathakoge: Israelren maraṅicʼ hopon Rubenren hoponko doko hoyokʼ kana Hanok, Pạlu, Hesron ar Karmi. Noko do Ruben gusṭikoren apatkoko tahẽkana.

Exodus 6:14 Referans Kwoze

Genesis 46:9

Rubenren hoponko do Hanok, Palu, Hesron ar Karmi.

1 Bõsbudạ 5:3

Israelren maraṅicʼ hopon Rubenren hoponko doko hoyokʼkana Hanok, Pollu, Hesron ar Karmi.

1 Bõsbudạ 8:6

Ehudren hopon doko hoyokʼkana Naman, Ahiạ ar Gera. Noko doko tahẽkana Gebare girobasokʼ kan hoṛkoren bõs mukhiyạko. Gera do acʼren banar boeha Geba khon jorkateye oḍok giḍikatʼkinạ; onate unkin do Manhote senkate girobasokʼ kin ehopʼena. Gera do Us ar Ahihudren apate tahẽkana.

1 Bõsbudạ 7:7

Belaren mõṛẽ goṭen hopon doko hoyokʼkana Isbon, Usi, Usiyel, Jiremoth ar Eri. Noko do nij nij bõsren mukhiyạko tahẽkana. Onkoakʼ bõsbudạre bargel bar hajar ar pegel hoṛ do lạṛhại dol lekate ńutumko olletʼtakoa.

1 Bõsbudạ 7:2

Toloyren hoponko doko hoyokʼkana Usi, Rophae, Jiriyel, Johomoy, Jibsom ar Samuel. Noko do nij nij bõsren mukhiyạko tahẽkana. Dạudakʼ rajokʼ oktere Toloyakʼ bõsren okoeko hoṛakʼ ńutum do lạṛhại hoṛ lekate bõsbudạko ńum ocolen onko do lekhare bargel bar hajar turui sae hoṛko tahẽkana.

1 Bõsbudạ 5:24

Onkoakʼ bõsren mathakoakʼ ńutum do nonka leka tahẽkana Ephor, Jisi Eliyel, Asriyel, Jirimiạ, Hodbiạ ar Johodiyel. Noko birbanṭa hoṛ do ạḍi namḍak hoṛko tahẽkana.

Josuạ 19:51

Naeke Eleasar, Nunren hopon Josuạ ar Israelkoren judạ judạ gusṭiren mathako do Silore ńapamokʼ tạmbu reakʼ duạr ṭhen Probhu Isor samaṅre gulibãṭkate niạko jaega Israelkoko ṭhik dohowatʼkoa. Ar nonkate onko do disạm hạṭiń reakʼ kạmiko sạtkeda.

Josuạ 14:1

Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Josuạ 13:23

Ar jordan gaḍa do Rubenrenko reakʼ pạchim simạnare tahẽkana. Niạko nagraha ar ona aḍepase reakʼ atoko do Ruben gusṭiren judạ judạ bõsren hoṛko sompotti lekateko ńamleda.

Josuạ 13:15

Mose do Ruben gusṭiren judạ judạ bõsko okako jaegae ematʼko tahẽkan ona do Arnon lodam aṛe reakʼ Aroer nagraha khon ar lodam reakʼ adha ato khon ehopʼakan tahẽkana. Onako modre Medeba beṛhaeteakʼ goṭa bilạn ṭạnḍi,

Exodus 6:25

Eleasarren hopon doe hoyokʼ kana Pinhas. Aronren hopon Eleasar do Putialren hoponerae baplaledea ar uniren do Pinhase janamena. Nokoge Lewi gusṭiren mathako tahẽkana.

Exodus 6:13

Unre Probhu Isor do Mose ar Arone metatʼkinạ, “Aben do Pharao raj ar Israelko baḍae ocoko ben, Probhu Isor do abene hukum akatʼ bena jemon Israelko Misor disạm khon ben oḍok idiko.”

Genesis 46:11

Lewiren hoponko do Gerson, Kohat ar Merari.

Numeri 26:12

Simeon bõsrenko: noko doko hoyokʼ kana Nemuel khon Nemueli bõsko, Jamin khon Jamini bõsko, Jakin khon Jakini bõsko,