Exodus 6:13 - সান্তালী বাইবেল

¹³ Unre Probhu Isor do Mose ar Arone metatʼkinạ, “Aben do Pharao raj ar Israelko baḍae ocoko ben, Probhu Isor do abene hukum akatʼ bena jemon Israelko Misor disạm khon ben oḍok idiko.”

Exodus 6:13 Referans Kwoze

2Timothi 4:1

Mạsire ruạṛ hijukʼ ar uniyakʼ raj reaṅ disạ dohoyte Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

1Timothi 6:13

Isor, okoe do sanamakʼe jiwetʼ ocoyetʼ ar Mạsi Jisu, one uni do Pontus Pilạt ṭhen sạriyakʼ reakʼ gohae emletʼ, uni Isor ar Jisu Mạsi samaṅre iń do noań hukumam kana,

1Timothi 5:21

Isor ar Jisu Mạsi ar bachao akan serma goḍetko samaṅreń kạjiạ̃uetʼme kana, okoe secʼ hõ baṅkate noako kạmime ar mẽtʼãhã beṅgetʼakʼte cetʼ hõ alom kạmiya.

1Timothi 1:18

E bachatiń Timothi, am reaṅ eṭakʼko nạbi lekate oka kathako lạiletʼ ona katha lekage iń do noań hukumam kana. Ar noa katha disạ dohoy tulucʼ am do Mạsi khạtirte jiwi alaekate ma lạṛhạime.

Sereńko 91:11

ente uni do acʼren goḍetko am reaṅe hukumakoa onko do sanam horkore amko horhomea.

Dosar Biboron 31:14

Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.

Numeri 27:23

Ona tayom Probhu Isorakʼ hukum leka uni cetanre ti capokateye bhoradea.

2Timothi 2:4

Lạṛhại senkate okoe hõ gharońj reakʼ do bako dạndikʼa, jemon sipạhi lekate okoeye bhurtikede uniye kusi ocoye.

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.

Mathae 4:6

“Isorren Hoponkan khanem ma nonḍe khon latarte donme, ente sonot sostorre ol menakʼa, Isor do acʼren goḍetko am reaṅe hukumakoa; onko do titeko sepeńmea, jemon dhirire jaṅga alo bajaokʼtam.”

Numeri 27:19

Ar naeke Eleasar ar Israelko samaṅre unim ạguiyea ar onko samaṅrege kạmi reakʼ bharem emaea.

Exodus 6:12

Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

Exodus 6:14

Noko doko tahẽkana Ruben, Simeon ar Lewi bõsren mathakoge: Israelren maraṅicʼ hopon Rubenren hoponko doko hoyokʼ kana Hanok, Pạlu, Hesron ar Karmi. Noko do Ruben gusṭikoren apatkoko tahẽkana.

Exodus 6:26

Aron ar Mosege Probhu Isore metatʼkin tahẽkana jemon unkin do phạdko leka Israelko Misor disạm khon kin oḍok idiko.