Exodus 6:12 - সান্তালী বাইবেল

¹² Mose do Probhu Isor roṛ ruạṛadeteye metadea, “Israel hoponko ińakʼ katha bako ańjom enḍekhan Pharao do cedakʼe ańjomtińạ, biseskaete ińakʼ katha tinre baṅ pusṭạukʼtiń?”

Exodus 6:12 Referans Kwoze

Exodus 4:10

Mose doe menkeda, “Menkhan E Probhu Isor, iń do rawal moca hoṛ doń baṅkana. Lahatehõ bạń roṛ daṛeakʼ kan tahẽkana ar am sãote katha roṛ tayom hõ bạń daṛeakʼ kana. Ińakʼ mocare katha do aṭkaokʼtińa, ente ińakʼ alaṅ do hamalgetińạ.”

Jirimiạ 1:6

Unre iń doń menkeda, “E Probhu Isor, iń do katha roroṛ bạń baḍaea; ar iń doń huḍińgea.”

Exodus 6:30

Menkhan Mose do Probhu Isore metade tahẽkana, “Pharao do ińakʼ katha bae luturakʼa, ente iń do hamal moca hoṛ kạnạń.?”

Jirimiạ 6:10

Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Exodus 6:9

Mose do senkate noako katha Israelkoe baḍae ocoketʼkoa, menkhan onko do kumãyã talate golam khaṭao khaṭaoteko laṅga caba akan tahẽkante Moseyakʼ katha do bako luturada.

Exodus 3:13

Unre Mose do Isore metadea, “Menkhan tinre Israelkoń metakoa onkoren hapṛamkoren Isorge iń doe kolakadińa, unre hoedaṛeakʼa onko do ińko kuliyińạ, ‘cetʼ kana uniyakʼ ńutum do?’ Unre iń do cetʼ iń roṛ ruạṛakoa?”

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Exodus 3:11

Menkhan Mose do Isore metadea, “Iń do nonkan celegeń baṅkana, one Pharao ṭhen senkate Misor khon Israelkoń oḍok ạgu daṛeako.”

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 6:13

Unre Probhu Isor do Mose ar Arone metatʼkinạ, “Aben do Pharao raj ar Israelko baḍae ocoko ben, Probhu Isor do abene hukum akatʼ bena jemon Israelko Misor disạm khon ben oḍok idiko.”