Exodus 5:4 - সান্তালী বাইবেল

⁴ Misorren raj do unkine metatʼkinạ, “Mose ar Aron, aben do kạmiko khon hoṛakʼ mon cedakʼ ben ocokʼetʼtakoa? Do calakʼ ben, ar kạmite ruạṛokʼben.

Exodus 5:4 Referans Kwoze

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Aposkạmi 24:5

“Alele ńelakadea nui hoṛ do mitʼṭen jhamelayicʼ kanae; uni do jao okte gulmale ehopʼeda. Uni do goṭa dhạrtiren Jihudiko talare gulmale ehopʼakada. Uni do Nasario dolren mitʼṭen ạyuricʼ kanae.

Luk 23:2

Onko do noa menkate Jisu upạrte lạlisaeko ehopʼena, “Alele ńelakadea, nui hoṛ do aleren hoṛko raj upạrteye bhiṅgṛạuetʼkoa. Uni do maharaj khajna emae lạgitʼe baronetʼkoa ar acʼge Mạsi ar mitʼṭen raje ńumogokʼ kana.”

Amos 7:10

Tayomte Bethelren naeke Amasiạ do Israelren raj Jerobiam ṭhen noa khobore kolkeda, “Amos do Israelko talare am upạrte mitʼṭecʼe soṛojontroyetʼkana. Disạmren hoṛko do uniyakʼ katha bako sahao daṛeakʼkana.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

Exodus 2:11

Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana.

Exodus 6:5

Misorrenko do Israelko golamko benaoletʼko tahẽkana. Onkoakʼ rakʼ ańjomte iń do ona bondobos reakʼ kathań disạkeda.