Exodus 5:2 - সান্তালী বাইবেল

² Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Exodus 5:2 Referans Kwoze

Exodus 3:19

Ińiń baḍaea kajak tiye aṭkarlere hõ Misorren raj do ape bae aṛakʼpea.

Jobakʼ 21:15

Uni sanam daṛeanicʼ doe celekante, unile sewawaea? Uni ṭhenle koe lekhan ale do cetʼ lab hoyokʼtaea?

2 Rapajko 18:35

Niạko disạmren sanam debotako talare jãhãege cetʼ ińakʼ ti khon apnarakʼ disạmko rukhiyạ daṛeakada? Enḍekhan Probhu Isor do cekate ińakʼ ti khon Jerusaleme rukhiyạ daṛekea?’ ”

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

Sereńko 14:1

Bebuj hoṛ doko mena Isor do bạnugicʼan. Onkoakʼ sobhab do bạṛicʼgea ar kạmiko hõ hirkhạgetakoa. Bhageye kạmikan hoṛ do okoe hõ bạnukʼkoa.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

2 Bõsbudạ 32:19

Onko do manwa titeko benaokʼ dhạrtiren sanam jạtkoren debotako reaṅ okako roṛketʼ onkage Jerusalemren Isor reaṅ hõko roṛkeda.

2 Bõsbudạ 32:15

Ńitokʼ Hiskiạ do nonka alo baṛeye eṛepe are bulạupe ma. Uni do alope pạtiạuaea, ente jãhãe jạtren se jãhã rajosṭiren debota iń se ińren hapṛamkoakʼ ti khon acʼren hoṛko bae bańcao daṛeakatʼkoa. Enḍekhan tinạkʼ khạṭigea je, aperen debotako do ińakʼ ti khon bako bańcao daṛeapea mente.’ ”

1 Samuel 2:12

Eliren hopon do dusṭạmi hoṛkin tahẽkana. Unkin do Probhu Isorakʼ jãhãnakʼge bạkin moneyakʼkan tahẽkana.

Exodus 7:17

Ona iạte Probhu Isore meneda, acʼkangeae Probhu do, ar am do noa cinhạ ńeltem bujhạu daṛeakʼa.’ Unrem mena, ‘iń do ńitokʼ ińakʼ ti reakʼ ṭheṅgate nil gaḍa dakʼ iń dala ar onate gaḍa dakʼ do mãyãmokʼa.

Bikʼcạrko 2:10

Josuạ okteren Israelko do gocʼente akoren hapṛam ṭhenko calaoen khan onkoakʼ jaegare onkoren hoponkoko hecʼena. Onko do Probhu Isor bako baḍae akade tahẽkana ar Israelko lạgitʼ Probhu Isor okakoe cekaletʼ ona hõ bako baḍaekan tahẽkana.

2 Bõsbudạ 32:14

Noko jạtrenko okoe do ińren hapṛamkoko marao giḍiletʼko onkoren debotako modre okoe do ińakʼ ti khon uniren hoṛkoe bańcao daṛeatʼko tahẽkana? Enḍe khan cekate aperen Isor do ińakʼ ti khon apeye bańcaopea?

Nehemiạ 9:10

Amge Pharao ar uniren sanam kạmiyạko ar uniyakʼ disạmren sanam hoṛko ạḍi utạr cinhạ ar hahaṛa kạmikom udukʼatʼkoa, ente am dom baḍaekan tahẽkana aleren hapṛamko tulucʼ Misrikoakʼ beohar do bạḍạite perecʼ tahẽkana. Ar niạko kạmite am do amakʼ ńutumem rukhiyạleda, ona do teheń hạbicʼ hõ menakʼgea.

Jirimiạ 42:13

“Menkhan apepe men, ‘ale do disạmre bale tahena’ ar nonkate aperen Probhu Isorakʼ katha bape manao,

Jirimiạ 48:26

“Moab bul ocoyepe, ente uni do iń upạrte apnartetʼ maraṅe udugokʼ kana. Uni do acʼakʼ becʼreye jobe akana; uni do landa-dhutʼicʼgeye hoyokʼa.

Daniel 3:15

Ńitokʼ ape do sakwa, tiriạ, binạ banam, peṛesaṅ, taranakʼ banam, joṛa murli ar sanam lekan bajna reakʼ saḍe ańjomkate ińren bekʼnaoicʼ murhutʼ ḍobokʼae lạgitʼ sapṛao akaepe tahen enḍekhan ma bhagege. Ar jodi bape ḍobog enḍekhan jolokʼkan bhaṭare unregepe khadle ocokʼa. Unre cele debota hõ ińakʼ ti khon do bako bańcao daṛeapea?”

1 Samuel 25:10

Nabal do Dạudren hoṛkoe roṛ ruạṛatʼkoa, “Okoe kanae Dạud do? Ar Jisạiren hopon baṅe cele kan? Nebetar do ḍher gutikoge akoren kisạ̃ṛ bạgikateko calakʼ kana.

Jobakʼ 15:25

ente uni do Isor upạrte tiye tuletʼtaea ar sanam daṛeanicʼ upạrteye dhomkaoeda.

Jobakʼ 15:26

Dạriạ ar daṛeanakʼ ḍhalte hoṭokʼ keṭecʼkate Isor upạrte uni doe laha idikʼkana.

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.