Exodus 5:1 - সান্তালী বাইবেল

¹ Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”

Exodus 5:1 Referans Kwoze

Exodus 10:9

Moseye roṛ ruạṛkeda, “Aleren hopon ar hoponerako, aleren haṛam ar buḍhi hoṛko, aleren gidrạko ar aleren ḍaṅgrako-bhiḍiko jotoge ale sãoteko calakʼa, ente Probhu Isor ńutumte ale do mitʼṭecʼ poroble porobokʼa.”

Aposkạmi 4:29

Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

1 Rapajko 21:20

Ahab do niạ katha ańjomkate Eliại metadea, “E ińren bạiri, niạ dhao dom ńam akadińạ.” Eliại roṛ ruạṛkeda, “Hẽ, ńam akatʼmegeạń, ente Probhu Isorakʼ mẽtʼre oka bạṛicʼakʼ kan ona onkae lạgitʼge am dom kiriń akana.

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

1 Korinthiko 5:8

Onate mare khạmi, metakʼme hiskạ ar bạṛicʼakʼ reakʼ khạmite do alo, menkhan nirạ ar sạriyakʼ reakʼ bin khạmiyanakʼ piṭhạte bon porobokʼma.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Exodus 4:23

Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”

Exodus 6:11

“Am do Misorren Pharao ṭhen senkate metaeme jemon acʼakʼ disạm khon Israelkoe sen ocoako.”

Exodus 6:27

Mose ar Aronge Misor disạm khon Israelko oḍok idiko reakʼ katha Misorren Pharao raj kin metade tahẽkana.

Exodus 7:16

Ar unim metaea, ‘Ibrikoren Probhu Isor do noa katha men lạgitʼ am ṭhene kol akadińạ, uniren hoṛko hahaṅkarre senkate jemon uniko sewa daṛeae onate onko baṛe sen ocoakome. Menkhan ńit hạbicʼ am do uniyakʼ katha bam lutur akawada.

Exodus 8:1

Ona tayom Probhu Isor do Moseye metadea, “Senkate Pharao noa katham metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 8:20

Inạ tayom Probhu Isor do Moseye metadea, “Ạḍi setakʼre beredokʼme ar Pharao tinre gaḍa ghaṭteye calakʼa unre uni samaṅre teṅgokʼme. Ar unim metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 33:13

Amakʼ dayań ńamakatʼ khan tobe do amakʼ hor baṛe udukʼạńme jemoniń baḍae daṛeakʼ am samaṅre dayań ńama mente. Disạime, noko jạtrenko do amren kangeako.”

Exodus 7:2

Ar okaṭakʼ hukumiń emamkan ona do sanamakʼem sodora. Amren dadam Aron do Pharaoe metaea, jemon acʼakʼ disạm khon Israelkoe sen ocoako.

Exodus 8:16

Unre Probhu Isor do Moseye metadea, “Aron do acʼakʼ ṭheṅga tulkate ot reakʼ dhuṛire da dalem metaea. Onate ona dhuṛi khon sĩkṛĩcʼko hoyokʼa ar goṭa Misor disạmko pereja.”

Exodus 8:17

Aron ar Mose do onkagekin kạmikeda. Aron do acʼakʼ ti tiạrkate ot reakʼ dhuṛiye dalkeda ar onate manwa ar janwarko cetanre sĩkṛĩcʼko apʼena. Unre Misor disạm reakʼ sanam dhuṛiko do sĩkṛĩcʼ hoyena.

Exodus 8:27

Aleren Probhu Isorakʼ hukum leka ale do hahaṅkar talate pe din reakʼ horte senkate uni ńutumte dãṛẽle samaṅa.”

Exodus 9:1

Niạ tayom Probhu Isor do Moseye metadea, “Pharao ṭhen senkate menme, Ibrikoren Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 9:2

Menkhan am do bam sen ocoakokana onkom sapʼ dohoyetʼkoa,

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 10:4

Ińren hoṛko bam sen ocoako khan enḍekhan gapage amakʼ disạmre pohokoń kolkoa.