Exodus 40:13 - সান্তালী বাইবেল

¹³ Ar Aron do sonot kicricʼem horokʼaea arem ojokʼ bahalea ar iń ńutumtem begar dohoyea jemon naeke lekate ińakʼ sapʼ dapʼ kạmiye kạmi daṛeakʼa.

Exodus 40:13 Referans Kwoze

Exodus 28:41

Amren dadam Aron ar uniren hoponko noam horokʼakote sunumtem ojokʼkoa ar naeke hudạrem bahalkoa. Probhu Isor ńutumte onkom begar dohokoa jemon onko do naeke lekate ińko dewa sewawạń.

1 Johan 2:27

Menkhan ape do Mạsi ṭhen khonpe ojokʼ ocoakana, metakʼme sonot Jiupe ńam akadea. Uni do apeakʼ ontoreye tahena. Onate eṭakʼ okoeyakʼ hõ cecetʼakʼ do baṅ jạruṛapea. Sanamakʼ reaṅ sonot Jiugeye cetʼapea. Uni doe sạriyicʼ kana, ar bae eṛea. Onate cetʼleka Mạsire tahene cetʼape onkage Mạsire tahenpe.

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

Ibriko 10:29

Enḍekhan Isorren Hopon okoeye kurud akawade, oka mãyãmte uniye sapha akan Isorakʼ ona bondobos reakʼ mãyãm okoe be sonotakʼ menteye bujhạuetʼ ar okoe dayae emokʼkan uni sonot Jiu okoeye bemanot akade, enḍekhan hudispe, uni do tinạkʼ artetʼ sạjạiyokʼ lek kanae!

Ibriko 10:10

Isorakʼ sana lekage Jisu Mạsiyakʼ hoṛmo mitʼ dhao samaṅente abo dobon begar ocoakana.

Johan 17:19

Onko iạte am lạgitʼ iń doń begar akana jemon sạriyakʼ hotete onko hõko begar ocokʼ.

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

Jesaea 61:1

Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombatiń danako. Uni doe kol akadińạ rạputʼ monanko bogeko lạgitʼ, bondi akanko ṭhen sạdhinokʼ reakʼ katha lại jạhir lạgitʼ; kạd oṛakʼre tol akanko ṭhen chaḍaokʼ reakʼ katha sodor lạgitʼ;

Exodus 40:14

Aronren hoponkin ạgukate unkin hõ naeke reakʼ kicricʼem horokʼạkina.

Levitikus 7:36

Ar oka hilokʼko ojokʼ bahal ocolen enhilokʼge Probhu Isor do Israelkoe hukumatʼko tahẽkana jemon piṛhike piṛhi onkoren bõs do noako ńam.

Levitikus 8:13

Ona tayom uni do Aronren hoponkoe ạguketʼkote aṅgrope horokʼatʼkoa ar ḍanḍa reakʼ paṭheakʼteye paṭheketʼkote bohokʼe dạhṛiketʼkoa. Ar Mose do sanamakʼge Probhu Isorakʼ hukum lekae kạmikeda.

Exodus 29:7

Ar ona tayom do ojokʼ bahale reakʼ sunum bohokʼrem dulaea arem ojokʼ bahalea.

Levitikus 7:35

Aron ar uniren hoponko oka hilokʼ khon naeke menkate Probhu Isor sapʼsorae lạgitʼko ojokʼ bahal ocoakan enhilokʼ khonge Probhu Isor ńutumte seṅgelre samaṅicʼ janwarakʼ niạ hĩs do onkoakʼ bakhra menkate ṭhik dohoakana.