Exodus 4:8 - সান্তালী বাইবেল

⁸ Unre Probhu Isore menkeda, “Onko bako pạtiạuam se pạhilakʼ cinhạ reakʼ jãhãn dam bako emam enḍekhan onko do hoedaṛeakʼa dosarakʼko pạtiạuakʼa.

Exodus 4:8 Referans Kwoze

Jesaea 28:10

Ente sikhạuna upạr sikhạuna menakʼa, sikhạuna upạr sikhạunage. Thar upạr thar, ar thar upạr tharge, nonḍe thoṛa hanḍe thoṛa. ”

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Jobakʼ 5:18

ente uni doe ghạghạlgea, arhõ onae bedhaokakʼa; uni doe hạhạna, arhõ acʼakʼ titegeye bogea.

2 Rapajko 5:7

Unre Israelren raj do ciṭhi paṛhaokate ona or cirạketʼteye menkeda, “Iń do cetʼ Isor kạnạń? Iń do cetʼ gocʼkate arhõ jiwiń em ruạṛ daṛeakʼa? Murhucʼ jom rog khon bogekʼ lạgitʼ cedakʼ uni do iń ṭhen nui hoṛe kolkedea? Ńelpe, uni do iń sãote lạṛhại lạgitʼ susiye ńam bakʼṛakana.”

Johan 12:37

Menkhan onko samaṅre cinhạ lekate unạkʼ hahaṛawakʼkoe kạmiketʼre hõ hoṛko do unire bako pạtiạulena.

Exodus 4:7

Unre Probhu Isore menkeda, “Amakʼ ti do arhõ onḍege doho ruạṛme.” Mose do arhõe onkakeda. Menkhan tinre tiye oḍokketʼtaea unre uniyakʼ ti do hoṛmo reakʼ eṭakʼ hạṭińko leka mońjge hoyena.

Exodus 4:9

Menkhan onko ona banar reakʼ okaṭakʼge bako pạtiạuakʼ se amakʼ katha bako luturakʼ enḍekhan am do Nil gaḍa khon thoṛa dakʼ rakapʼkate otrem dula. Onate dakʼ do otre mãyãm leka hoyokʼa.”

Exodus 4:28

Ar Probhu Isor okaṭakʼ memen lạgitʼe kolakade Aron do onae baḍae ocokedea. Ona chaḍa okako hahaṛa kạmi reakʼ hukum Probhu Isore emakawade ona hõe lạiyadea.

Bikʼcạrko 6:17

Gideone menkeda, “Amakʼ dayań ńamakatʼ khan, jemoniń bujhạu daṛeakʼ, sạrige am do iń sãote katham roṛeda ar onate mitʼṭecʼ cinhạ baṛe imạńme.