Exodus 4:5 - সান্তালী বাইবেল

⁵ Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 4:5 Referans Kwoze

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Exodus 3:15

Am do arhõm metakoa, onkoren hapṛam Abraham, Isahak ar Jakobren Probhu Isorge onko ṭhene kol akatʼmea. Ińakʼ ńutum do jaejugicʼ Probhuge. Onko do piṛhike piṛhi ińakʼ noa ńutumgeko disạitińạ.

Genesis 48:3

Ona tayom Jakob do Josephe metadea, “Sanam daṛean Isor do Kanan disạmre Lus nagrahare iń ṭhene ńel ocoyena are ạsirbad ạdiń tahekana.

Genesis 26:2

Unre Probhu Isor do Isahak ṭhen ńel ocoyenteye menkeda, “Misorte do alom calakʼa. Ar okaṭakʼ disạm reakʼ kathań lạiyam ona disạmrege tahenme.

Genesis 18:1

Abraham do tinre Mamre reakʼ sonot dareko ṭhene girobasokʼkan tahẽkana unre mitʼ din Probhu Isor do uni ṭhene ńel ocoyena. Abraham do enhilokʼ tikin jokhecʼ setoṅre acʼakʼ tạmbu reakʼ duạr ṭhene duṛupʼ akan tahẽkana.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Johan 11:42

Ińiń baḍaea am do jaoge ińakʼ katham ańjometʼtińa. Menkhan okoeko hoṛ beṛhaeteko teṅgo akan onko jemonko pạtiạukʼ amem kol akadińạ mente, ar onatege noa katha doń menkeda.

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Aposkạmi 7:2

Stephan do roṛ ruạṛketʼteye menkeda, “E boehako ar babako ińakʼ katha ańjompe. Aboren hapṛam Abraham do Haran nagrahare ạuriye berelokʼre Mesopotamiạ disạmreye tahẽkana ar unre ṭhonokren Isor do uni ṭhen ńel ocoyenteye metade tahẽkana,

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 20:27

Ona tayom uni do Thomae metadea, “Amakʼ kạṭupʼ nonḍe ạguiytam ar ińakʼ banar ti ńelme ar amakʼ ti tiyạrkate kokhare sogeńme. Ar bin pạtiạricʼ do alom hoyokʼa bickom pạtiạuicʼge hoyokʼme.”

Johan 11:15

menkhan apeakʼ katha hudiskate rạskạń bujhạueda, iń do onḍe bạń tahẽkana jemonpe pạtiạukʼ. Ado dela, Lasar ṭhen bon calakʼa.”

Johan 5:36

Menkhan Johanakʼ khon hõ ińakʼ do maraṅ goha menakʼtińạ, ente okako kạmi Babae emakawạdiń onakogeń kạmikana. Ar onako do iń reaṅ noa gohae emeda je, Babageye kol akadińạ.

Jirimiạ 31:3

Ona jokhecʼ Israelko doko menleda, Probhu Isor do sạṅgiń khon onko ṭhene ńel ocolena. Ar Probhu Isor do unre onkoe metatʼko tahẽkana, “Asambheṛ dayateń dulạṛ akatʼpea; ar asambheṛ mãyãtege iń ṭheniń or sorakatʼpea.”

Jesaea 7:9

Ephrayimren matha Samariạ baṅ cetʼ kan, ar Samariạren matha Remaliạren hoponge baṅe celekan? Apeakʼ pạtiạure ṭehãḍ akanpe tahen khan ape do oka lekate hõ ohope teṅgo keṭecʼ daṛelena.’ ”

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

Exodus 4:1

Menkhan Mose do roṛ ruạṛketʼteye menkeda, “Israelko bako pạtiạuạń ar ińakʼ katha jodi bako ańjomtiń? Onkoko mendaṛeakʼa, ‘Probhu Isor do am ṭhen bae ńel ocoakana.’ ”

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 48:15

Ona tayom Uni do Joseph bhoradeteye menkeda, “Uni Isor, one ińren hapṛam Abraham ar Isahak do uniyakʼ sanaleka kin calakʼkan tahẽkan, unige ińakʼ jionre pạhil khon teheń hạbicʼ gupiyicʼ lekae ạyur ạguyedeń kana,

Exodus 3:4

Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 4:4

Menkhan Probhu Isor do Moseye metadea, “Amakʼ ti tiạrtam ar canḍbol sabme.” Adoe sapʼketʼ khan ona do arhõ ṭheṅga ruạṛena.

1 Rapajko 18:36

Ado ạyubokʼ okte Eliạ nạbi doe hecʼena are koekeda, “E Probhu, Abraham, Isahak ar Israelren Isor, teheń am do baḍae ocokom, Israelkoren Isor dom am kangea ar iń do amren guti kạnạń, ar amakʼ hukumtege noako doń kạmikana.