Exodus 4:31 - সান্তালী বাইবেল

³¹ Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Exodus 4:31 Referans Kwoze

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Luk 8:13

Dhiri hasare ńũren itạte do onko lạgitʼge roṛ akana, okoe do katha ańjomkate rạskạteko ataṅetʼkan, menkhan onkore ona reakʼ rehetʼ do mońjte baṅ bạisạukʼ kana. Onate onko do thoṛa din lạgitʼko pạtiạukʼkana, menkhan biḍạureko paṛaolen khan doko pạcokʼ kana.

Exodus 12:27

Unrepe lạiyakoa, ‘noa do hoyokʼ kana Probhu Isor ńutumte bańcaokʼ porob reakʼ dãṛẽ, ente Misor disạmre tahen jokhecʼ uni do Israelkoakʼ oṛakʼko bad oṭokateye parom senlena. Uni do misrikoe gocʼketʼkoa menkhan ale doe rukhiyạketʼlea.’ ” Inạ tayom Israelko do ombakʼkate Probhu Isorko sewawadea.

Exodus 3:16

Am do senkate Israelkoren murubbiko jarwakatem metakoa, onkoren hapṛam Abraham, Isahak ar Jakobren Probhu Isorge am ṭhene ńel ocoakana are menakada, ‘ape cetanre’ar Misorre cetʼ hoyokʼkan ona doń ńelakada.

Exodus 2:25

Uni do Israelko secʼe beṅgetʼkeda ar onkoe moneyatʼkoa.

Genesis 24:26

Unre uni guti do ombakʼente Probhu Isore sewawadea are menkeda,

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

Exodus 3:7

Probhu Isore menkeda, “Misor disạmre ińren hoṛko cetanre oka santao hoyokʼkan ona doń ńelakada. Misorren sordarkoakʼ santao iạte Israelkoakʼ rakʼ do iń ṭhen seṭerakana. Onkoakʼ duk saset reakʼ katha hõń baḍae akada.

Luk 1:68

“Israelkoren Probhu Isorakʼ sarhao hoyokʼtaema, ente uni do acʼren hoṛko secʼe beṅgetʼ akada are chaḍao akatʼkoa.

2 Bõsbudạ 20:18

Unre Jehosaphat do otreye ombakʼena ar Jihudạ ar Jerusalemren sanam hoṛko hõ Probhu Isor samaṅre otreko ombakʼena.

Genesis 17:3

Ona iạte Abram do otreye obmakʼena ar Isor do uni sãote katha roroṛe ehopʼena.

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Genesis 50:24

Joseph do acʼren boehakoe metatʼkoa, “Ińakʼ gujukʼ okte do seṭer akana, ar noa do khạṭi kana je, Isor do apeye ạsulpea. Uni do Abraham, Isahak ar Jakob okaṭakʼ disạm emako lạgitʼe gokʼatʼko tahẽkan ona disạmge nonḍe khone idipea.”

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 14:31

Probhu Isor do misriko upạrte acʼakʼ oka daṛeye udukʼketʼ ona ńelte Israelko do monre mitʼṭen botor caṛhaoatʼkoa. Onko do Probhu Isor ar uniren golam Mose cetanre purạ biswạs dohokate calakʼko ehopʼena.

Exodus 19:8

Noa katha ańjomkate hoṛko do mitʼ domteko menkeda, “Probhu Isor okaṭakʼe menakatʼ ale do jotogele onkaea.” Ar hoṛko okako menketʼ Mose do ona Probhu Isore baḍae ocokedea.

Exodus 19:9

Niạ tayom Probhu Isor do Moseye metadea, “Am sãote tinre kathań roṛa unre jemon hoṛko onako ańjom daṛeakʼ onate iń do mitʼṭen rimil tala khon ape ṭheniń hijukʼa. Enḍekhan hoṛko do jao ghuṛi am cetanre purạ biswạsko dohoya.” Ar hoṛko okako menketʼ Mose do ona Probhu Isore lạiyadea.

Exodus 34:8

Niạ katha ańjomkate Mose do otre ombakʼkate sewawadeteye menkeda, “E Probhu Isor, ińre amakʼ daya menakʼ khan ale sãote dela calakʼme. Noko hoṛ doko keṭecʼ hoṭokʼan kanrehõ enhõ am do aleakʼ behokakʼ ar kạiko ikại taleme ar amren hoṛko mentege ataṅleme.”

Rut reakʼ kạhini 1:6

Naomi do Moab disạmre tahẽkanregeye ańjomkeda, Probhu Isor do acʼren hoṛkoe disạ akatʼkoa ar jomakʼ reakʼe bebosta akatʼkoa. Onate uni do acʼren banar kimintetʼ soṅgekate Moab disạm khon ruạṛ hijukʼ lạgitʼe sapṛaoena.

Nehemiạ 8:6

Unre Esra do maraṅ Probhu Isore sarhaokedea ar sanam hoṛ do ti tul kateko menkeda, “Amen, Amen.” Ar otre ombakʼkate Probhu Isorko sewawadea.

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Exodus 33:10

Ar hoṛko tinre noa khunṭi tạmbu ṭhenko ńeletʼ tahẽkana unre joto hoṛ apan ạpin tạmbu reakʼ duạr ṭhen otre ombakʼkate Probhu Isorko sewawaekan tahẽkana.

2 Bõsbudạ 7:3

Seṅgel pheḍ hijukʼko ńelketʼte ar koejoṅ oṛakʼ coṭre Probhu Isorakʼ ṭhonokko ńelketʼte sanam Israelko do dhirite tol akatʼ racareko ombakʼente Probhu Isorko ḍobokʼadea ar niạ menkateko sarhaokedea, “Uni doe bhạgangea; uniyakʼ daya do jaejug hạbicʼ tahenkana.”

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,