Exodus 4:27 - সান্তালী বাইবেল

²⁷ Inạ tayom Probhu Isor do Arone metadea, “Hahaṅkarre senkate am do Mose tulucʼ ńapamokʼme.” Unre uni doe calaoena ar Isorakʼ burure Moseye ńamkedea are cokʼadea.

Exodus 4:27 Referans Kwoze

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Aposkạmi 10:20

Ma beretʼkate latarte pheḍokʼme. Ar jãhãnakʼ begor digdhạte onko soṅgete calakʼme, ente ińge onko doń kolakatʼkoa.”

Sosolhayic̕ 4:9

Mitʼ hoṛ khon bar hoṛge bhagea, ente unkinakʼ kạmi do jo bahakʼa.

1 Rapajko 19:8

Onate uni do beretʼkateye jomkeda. Ar ona jomkateye daṛeyente uni do pongel siń pongel ńindạ taṛamate Isorakʼ Horeb buruteye seṭerena.

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 19:3

Mose do burute Isor ṭhene rakapʼena. Ona jokhecʼ Probhu Isor do buru cetan khon hohoadeteye menkeda, “Am do Jakob bõsren Israelkom metakoa,

Genesis 29:11

Ona tayom do Rahele cokʼadete ãṭ aṛaṅte rarakʼe ehopʼena.

Exodus 4:26

Unre Probhu Isor do Moseye aṛakʼkedea. Khatna babotre Sipora do ona kathageye menleda.

Exodus 18:5

Isorakʼ buru ṭhen Mose oka hahaṅkarre tạmbu ṭaṅgaokateye ḍeralen onḍege uniren bạhu ar hoponkin soṅgekate hońhartetʼ Jethro doe seṭerena.

Exodus 18:7

Khobor ańjomkate Mose do acʼren hońhartetʼ sãote ńapamokʼ lạgitʼe oḍok hecʼena. Uni do hońhartetʼe ḍobokʼadea are cokʼadea. Ar boge judạkin kuliyante tạmbu bhitriteye aderkedea.

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Sereńko 105:26

Uni do acʼren guti Mose ar uniye bachaolede Arone kolketʼkinạ;