Exodus 4:23 - সান্তালী বাইবেল

²³ Ińiń metatʼme tahẽkana ińren pạhilicʼ hopon do sen ocoaeme jemon ińe sewa daṛeạń. Menkhan bam sen ocoadete amren pạhilicʼ hoponiń gojea.’ ”

Exodus 4:23 Referans Kwoze

Exodus 12:29

Ona tayom pon gel tạrik reakʼ tala ńindạ okte Probhu Isor do Misor disạmren mitʼke mitʼ pạhil hoponkoe gocʼketʼkoa. Nonkate raj siṅghạsonren ạidạriyicʼ Pharaoren pạhilicʼ hopon khon ehopʼkate hajot oṛakʼre menayicʼren pạhilicʼ hopon hạbicʼ, ar janwarkoren hõ pạhil hoponko gocʼena.

Exodus 11:5

Onate Misor disạm reakʼ sanam gharońjren pạhil hoponko gujukʼa. Siṅghạson ạidạriyicʼ Pharaoren pạhilicʼ hopon khon ehopʼkate janteye riritʼ kạ̃ṛmĩren pạhilicʼ hopon hạbicʼ okoehõ sarecʼ do bako tahena. Ona chaḍa mĩhũ meromkoren hõ pạhil janam akan hoponko gujukʼa.

Sereńko 135:8

Uni do Misorren pạhil janamkoe ńẽtʼletʼkoa, hoṛren ar janwarren sanamkoge.

Sereńko 105:36

Ona tayom uni do Misorrenkoakʼ pạhil jo, metatʼme pạhil janam hoponkoe maraoketʼkotakoa.

Sereńko 78:51

Uni do Misor disạmren mitʼke mitʼ pạhil koṛa hoponkoe gocʼketʼkoa, uni do Ham bõsrenko reakʼ tạmburen ar daṛe juạnko hõe gocʼketʼkoa.

Exodus 7:16

Ar unim metaea, ‘Ibrikoren Probhu Isor do noa katha men lạgitʼ am ṭhene kol akadińạ, uniren hoṛko hahaṅkarre senkate jemon uniko sewa daṛeae onate onko baṛe sen ocoakome. Menkhan ńit hạbicʼ am do uniyakʼ katha bam lutur akawada.

Exodus 5:1

Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”

Exodus 6:11

“Am do Misorren Pharao ṭhen senkate metaeme jemon acʼakʼ disạm khon Israelkoe sen ocoako.”

Exodus 8:1

Ona tayom Probhu Isor do Moseye metadea, “Senkate Pharao noa katham metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 8:20

Inạ tayom Probhu Isor do Moseye metadea, “Ạḍi setakʼre beredokʼme ar Pharao tinre gaḍa ghaṭteye calakʼa unre uni samaṅre teṅgokʼme. Ar unim metaea, Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 9:1

Niạ tayom Probhu Isor do Moseye metadea, “Pharao ṭhen senkate menme, Ibrikoren Probhu Isore meneda, ‘iń sewawạń lạgitʼ ińren hoṛko sen ocoakome.

Exodus 9:13

Unre Probhu Isor do Moseye metadea, “Am do ạḍire beretʼkate Pharao samaṅrem teṅgokʼa, arem metaea, Ibrikoren Probhu Isore meneda, ‘iń sewawạń lạgitʼ ińren hoṛko sen ocoakome,

Exodus 10:3

Mose ar Aron do unre Pharao ṭhen senkatekin menkeda, “Ibrikoren Probhu Isore meneda, ‘ar tinạkʼ din iń samaṅre bohokʼ bam kuḍburtama? Iń sewawạń lạgitʼ ińren hoṛko sen ocoakome.

Exodus 18:8

Probhu Isor do Israelko secʼ tahẽkate Pharao ar Misriko cetanre okae cekaketʼ ona jotowakʼ hońhartetʼe baḍae ocokedea. Ar calakʼ horre akoakʼ kosṭo reakʼ katha ar Isor cetʼlekae bańcaoketʼko ona hõe baḍae ocokedea.

Sereńko 136:10

Okoe do Misorren pạhil janam hoponkoe ńẽtʼletʼko uni gun manao joharaepe; ente uniyakʼ dulạṛ do jaejuggetaea.

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Exodus 3:18

“Israelkoren murubbiko do amakʼ kathako ańjomtama. Am ar onko do Misor raj ṭhen senkatepe mena, ‘Ibrikoren Probhu Isor do ale ṭhene ńel ocoakana are menakada. Dayakate sen ocoaleme, jemon ale do hahaṅkar talate pe din reakʼ horle senokʼte aleren Probhu Isor dãṛẽle samaṅ daṛeae.’

Exodus 8:16

Unre Probhu Isor do Moseye metadea, “Aron do acʼakʼ ṭheṅga tulkate ot reakʼ dhuṛire da dalem metaea. Onate ona dhuṛi khon sĩkṛĩcʼko hoyokʼa ar goṭa Misor disạmko pereja.”

Exodus 8:17

Aron ar Mose do onkagekin kạmikeda. Aron do acʼakʼ ti tiạrkate ot reakʼ dhuṛiye dalkeda ar onate manwa ar janwarko cetanre sĩkṛĩcʼko apʼena. Unre Misor disạm reakʼ sanam dhuṛiko do sĩkṛĩcʼ hoyena.

Exodus 9:2

Menkhan am do bam sen ocoakokana onkom sapʼ dohoyetʼkoa,

Exodus 10:4

Ińren hoṛko bam sen ocoako khan enḍekhan gapage amakʼ disạmre pohokoń kolkoa.

Exodus 13:15

Ar kạṭhuạ iạte Pharao do tinre bae hecʼ ocoale kan tahẽkana unre Probhu Isor do Misor disạmren hoṛ ar janwarkoren mimitʼ pạhil hoponkoe gocʼketʼkoa. Onate ińren janwarkoren pạhil hopon do Probhu Isor ńutumteń dãṛẽyetʼkoa ar ińren pạhilicʼ hoponiń chaḍaoede kana.