Exodus 4:22 - সান্তালী বাইবেল

²² Ona tayom am do Pharaoem metaea, Probhu Isore meneda, ‘Israel doe ińren pạhilicʼ hopon kana.

Exodus 4:22 Referans Kwoze

Hosea 11:1

Probhu Isore meneda, “Israel do gidrạ tahẽkan khongeń dulạṛedekana ar Misor khon do ińren hopongeń hoho ạgukedea.

Romiko lạgitʼ Pạul Apostolakʼ ciṭhi 9:4

Onko ma Israel jạtren hoṛ kanako. Isor do hopon hoyokʼ reakʼ ạidạriye em akawatʼkoa, uni do acʼakʼ ṭhonoke udukʼ akawatʼkoa, onko lạgitʼ bondobose dohoakada, ạn-ạrikoe emakada, acʼ sewawae reakʼ ponthae emakana ar ạḍi utạr gokʼakʼ hõe gokʼ akawatʼkoa.

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Jesaea 63:16

E Probhu Isor, am do aleren baba kanam. Abraham do bae baḍae akatʼlere hõ se Jakob bae aṅgoclere hõ, enhõ amge aleren baba kanam; am do jaejug hạbicʼ chakʼḍaoicʼ kanam ar noage amakʼ ńutum do.

Dosar Biboron 14:1

“Ape do aperen Probhu Isorren hoponko kanape. Ona iạte gocʼ hoṛko lạgitʼpe rakʼ homor joṅre hoṛmore alope getʼ cirokʼa, se bohokʼ samaṅ secʼ alope hoyo poṭorokʼa.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Exodus 6:11

“Am do Misorren Pharao ṭhen senkate metaeme jemon acʼakʼ disạm khon Israelkoe sen ocoako.”

Exodus 7:16

Ar unim metaea, ‘Ibrikoren Probhu Isor do noa katha men lạgitʼ am ṭhene kol akadińạ, uniren hoṛko hahaṅkarre senkate jemon uniko sewa daṛeae onate onko baṛe sen ocoakome. Menkhan ńit hạbicʼ am do uniyakʼ katha bam lutur akawada.

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Dosar Biboron 32:6

E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.

Jirimiạ 2:14

Israel do cetʼ golam kanae? Uni do cetʼ janam khongeye guti kana? Cedakʼ uni do luṭ ocokʼicʼe hoyakana?

Malaki 1:6

Phạdkoren Probhu Isore meneda, “Hopon do acʼren apattetʼ ar guti do arcʼren kisạ̃ṛe manotea. Apatiń hoyakan khan ińakʼ manot do okare? Ar kĩsạ̃ṛiń hoyakan khan ińakʼ manot do okor? E naekeko, apege ińpe nihạ̃t giḍi akadińạ. Arpe meneda, ‘cekate ale do amle nihạ̃tetʼmea?”